2025 ވަނަ އަހަރު ފަތުރުވެރިކަމުގެ ދާއިރާގައި ނޭޕާލަށް ވުރެ ދިވެހިރާއްޖެ ކުރީގައި އޮތްކަން ހާމަވެއްޖެއެވެ.
ޓުއަރިޒަމް މިނިސްޓްރީން އާންމު ކުރާ ޑެއިލީ ޓުއަރިސްޓް އަރައިވަލްސް ރިޕޯޓުގައިވާ ގޮތުގެ މަތިން ޖެނުއަރީ 2025ގެ ނިޔަލަށް ދިވެހިރާއްޖެއަށްވަނީ 214,864 ފަތުރުވެރިން ޒިޔާރަތްކޮށްފައެވެ. އެއީ ނިމިދިޔަ އަހަރާއި ބަލާއިރު 11.7 އިންސައްތައިގެ ކުރި އެރުމެއްކަން ފާހަގަކޮށްލެވެއެވެ.
މި މުއްދަތުގެ ތެރޭގައި ރާއްޖެއަށް އެންމެ ގިނައިން ފަތުރުވެރިން ޒިޔާރަތް ކުރި ގައުމަކީ ޗައިނާއެވެ.
ނޭޕާލް ޓޫރިޒަމް ބޯޑު އެންޓީބީ އިން ހާމަ ކުރާ ގޮތުގައި 2025 ވަނަ އަހަރުގެ ޖެނުއަރީ މަހު ޖުމްލަ 79،991 ފަތުރުވެރިން ނޭޕާލަށް ޒިޔާރަތްކޮށްފައިވެއެވެ.
އެންމެ ގިނަ ފަތުރުވެރިން ނޭޕާލަށް އައިސްފައިވަނީ އިންޑިއާ އިންނެވެ. ޖެނުއަރީ މަހު އިންޑިއާއިން 20،485 ފަތުރުވެރިން ނޭޕާލަށް ޒިޔާރަތްކޮށްފައިވެއެވެ.
އެގޮތުން ރާއްޖެ އާއި އަޅާ ކިޔާއިރު ޖެނުއަރީ މަހުގެ ތެރޭގައި ރާއްޖެއަށްވަނީ 134،873 އިތުރު ފަތުރުވެރިން ޒިޔާރަތްކޮށްފައިކަން ފާހަގަކޮށްލެވެއެވެ.
