ރައީސް ޔާމީން ޕީއެންއެފްގެ ޖަލްސާގައި ވާހަކަފުޅު ދައްކަވަނީ / ތޭރަ އޮންލައިން
ސިޔާސީ
ބޮޑު ބަޖެޓެއް ފާސްކޮށް ހުސްކޮށްލީ ދިވެހިންނަށް ޚައްސާސްކަންކަމަށް ހޭދައެއް ނުކޮށް: ރައީސް ޔާމީން
Mariyam Isaadha
މަރިޔަމް އިސާދާ
13 ފެބްރުއަރީ 2025
މާލެ ސިޓީ

ނިމިދިޔަ އަހަރު ބޮޑު ބަޖެޓެއް ސަރުކާރުން ހޭދަ ކޮށް ނިންމާލީ ރައްޔިތުންނަށް ދޭންވާ މުހިއްމު ޚިދުމަތްތަކަށް އެއްވެސް މިންވަރެއް ހޭދަނުކުރައްވާ ކަމަށް ވިދާޅުވެ ރައީސް އަބްދުﷲ ޔާމީން ކަންބޮޑުވުން ފާޅުކުރައްވައިފިއެވެ.

އާދިއްތަ ދުވަހުގެރޭ ޕީއެންއެފުން ބޭއްވި ޖަލްސާގައި ވާހަކަފުޅު ދައްކަވަމުން ރައީސް ޔާމީން ވަނީ ރައީސް ޑރ މުހައްމަދު މުއިއްޒުގެ ރިޔާސީ ބަޔާނަށް އަލި އަޅުވާލައްވާފައެވެ. އެގޮތުން އެމަނިކުފާނު ވިދާޅުވީ ރިޔާސީ ބަޔާނުގައި ހުންނަންވާނީ ރައްޔިތުންނަށް އުއްމީދީ ވާހަކަތަކެއް ނަމަވެސް ރައީސް މުއިއްޒުގެ ރިޔާސީ ބަޔާނުން އެފަދަ ކަމެއް ފެންނަން ނެތް ކަމަށެވެ. އަދި ރިޔާސީ ބަޔާނުގެ ދިފާއުގައި ދައުލަތުގެ ވަޒީރުންނާ މަޖިލިސް މެމްބަރުންވެސް އަރުވައިގެން ދިފާޢުއަށް ކުޅުއްވަމުން ގެންދެވި ނަމަވެސް ރައީސް މުއިއްޒު ނިމިދިޔަ އަހަރު ރައްޔިތުންނަށް އެއްވެސް ޚިދުމަތެއް ނުކޮށްދެއްވާކަމީ ފެންނަން އޮތް ހަގީގަތެއް ކަމަށް ވެސް ރައީސް ޔާމީން ވިދާޅުވިއެވެ.

އެގޮތުން ބޮޑު ބިޔަ ބަޖެޓެއް އަހަރަށް ފާސްކުރުމަށް ފަހު އެއިން ފައިސާ ފޮއްޗެއް ރަށެއްގެ ތަރައްގީއަށް ނުވަތަ ރައްޔިތުންގެ ބޭސްފަރުވާގެ ކަންކަން ހަމަޖައްސާ އާސަންދައިން ދައްކަން ހުރި ފައިސާއަކަށް ނުވަތަ އަދިވެސް ރައްޔިތުންނާ ގުޅުން ހުރި އެއްވެސް މުހިއްމު ކަމަކަށް ހޭދަ ކުރައްވާފައިވާ ނުވާކަން ރައީސް ޔާމީން ފާހަގަކުރެއްވިއެވެ.

ފާސްކުރިއޭ 53 ބިލިއަންގެ ބަޖެޓެއް. އޭގެތެރއިން 40 އެތައް ބިލިއަނެއް ފައިސާއިން ލިބުނޭ. ހޭދަ ކުރިއޭ. އެކަމަކު ރާއްޖޭގެ އެއްވެސް ދިމާލެއްގައި ހަރުދަނާ މަސައްކަތެއް ކުރުމަށްޓަކައި ނޫނީ ހޮސްޕިޓަލަށް ބޭނުންވާ ސާމާނު ހަމަކޮށްދިނުމަށްޓަކައި ނޫނީ އާސަންދަ ހުސްެގެން ދިޔަ ނުދިނުމަށްޓަަކައި ނޫނީ ރާއްޖެއިން ބޭރަށް އެމްޕެނަލްކޮށްފައި ހުރި ތަންތަނަށް ދައްކަން ހުރި ލާރި ބޮޑުވެގެން ފަސް ހަމަސް ވެގެންދާއިރު ނުދެއްކި ހުރިމަ އެތަންތަނުން ދިވެހި ޕޭޝެންޓުން ބަލައި ނުގަތުމާ މިހުރިހާ ކަމެއް ދިމާވެގެންދާއިރު މި ކަހަލަ ދިވެހި ރައްޔިތުންނަށް ޚައްސާސް ނުވަތަ ދިވެހި ރައްޔިތުންނަށް އެންމެ މުހިއްމު އެއްވެސް ކަމަކަށް މިއޮއް ބަޖެޓު ލިބި ހޭދަކޮށް ތަޅާ ހުސްކޮށްލިއިރު މިއިން ކަމެއް ކޮށްފައި ނެތޭ. އެހެންވީމަ އެ ވިދާޅުވާ އިޚްލާސްތެރިކަމެއް އޮތްކަމަށް ވަންޏާ އެންމެ ފުރަތަމަ ކުރަންޖެހޭ ކަމަކީ އެވަރުގެ ބޮޑު ބަޖެޓެއް ލިބުނީމަ މިހެން ހުރި އެންމެ ބޮޑެތިކަންތައްތައް ފުއްދައިދިނުން

- ރައީސް ޔާމީން

ރައީސް ޔާމީން އިތުރަށް ވިދާޅުވީ، ރައީސް އިބްރަހިމު މުހައްމަދު ސޯލިހުގެ ދައުރާ އަޅާބަލާއިރު މިދިޔަ އަހަރުގެ ބަޖެޓަކީ 2 ގުނަ ބޮޑު ބަޖެއްޓެ ކަމަށާ އެހެންކަމުން ކަންކަން ނުވުމުން އެ ވާހަކަ ދައްކާނެ ކަމަށެވެ.

ކޮމެންޓު
Copyright © 2013-2025 Media Ring Pvt Ltd.
All rights reserved