ޕީއެންއެފްގެ ސެކެރެޓަރީ ޖެނެރަލް މަލީހު / ތޭރަ އޮންލައިން
ސިޔާސީ
ރައްޔިތުންނާ ރައީސް ޔާމީންގެ ކިބައިން އުއްތަމަ ފަނޑިޔާރު މައާފަށް އެދެން ޖެހޭ: މަލީހު
Mariyam Isaadha
މަރިޔަމް އިސާދާ
17 ފެބްރުއަރީ 2025
މާލެ ސިޓީ

ދިވެހި ރައްޔިތުންނާ އަދި ރައީސް އަބްދުﷲ ޔާމީންގެ ކިބައިން ވެސް ރާއްޖޭގެ އުއްތަމަ ފަނޑިޔާރު އަލްއުސްތާޛު މުއުތަސިމް އަދުނާން މައާފަށް އެދެން ޖެހޭ ކަމަށް ޕީޕަލްސް ނެޝަނަލް ފްރޮންޓު (ޕީއެންއެފް)ގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.

މަލީހު މިފަދައިން، މައްސަލަތައް ވަގުތުން ވަގުތަށް ނިންމާއިރު ދެވެނީ އިންސާފުތޯ ބަލައި، އެއްވެސް ގޮތަކަށް ޖަޒުބާތުގައި ޖެހިގެން ނުވާނެ ކަމަށާ އަދި އިހުސާންތެރިކަމާ އެކު ނަމަވެސް ޖަޒުބާތުގައި ނުޖެހި ހުކުމް ކުރުމަކީ ވެސް މުހިއްމުކަމެއް ކަމަށް އުއްތަމަ ފަނޑިޔާރު ވިދާޅުވެފައިވާތީ އެކަމަށް ރައްދު ދެއްވާ، ޕީއެންއެފްގެ ޖަލްސާގައި ވާހަކަ ދައްކަވަމުންނެވެ.

މަލީހު ވިދާޅުވީ ގައުމު މިއަދު މިއޮތް ހާލަތަށް ވައްޓާލުމުގެ ސުޕްރީމު ކޯޓުގެ ފަނޑިޔާރުންގެ ދައުރު ބޮޑު ކަމަށަ އެއީ ރައީސް ޔާމީންގެ ކެންޑިޑެންސީ ބާތިލުކޮށް ކުރި ހުކުމުގެ އަސްލަކީ މިއަދު ގައުމުގެ ރައްޔިތުންނަށް ވެރިންގެ ކިބައިން ޖެހެމުންދާ ތުރާލާ ގައުމުގެ ހާލަތު ދަށަށް ދިއުން ކަމަށްވެސް މަލީހު ވިދާޅުވިއެވެ.

އަޅުގަޑު ގޮވާލަމޭ ރާއްޖޭގެ އުއްތަމަ ފަނޑިޔާރަށް ފުރަތަމަ މަނިކުފާނު ދޮވެހި ރައްޔިތުންގެ ކިބައިންނާ އަދި ރައީސް ޔާމީންގެ ކިބައިން މައާފަށް އެދިވަޑައިގަންނަވާށޭ. މައާފަށް އެދެން ޖެހޭ ސަބަބު ވަރަށް ސާފު. ދިވެހިރާއްޖޭގެ ހައިކޯޓުގައި މައްސަލަ ޕާކުކޮށްފައި ބާއްވާފަ ރައީސް ޔާމީންގެ ކެންޑިޑޭންސީ ނިގުޅައިގަތީ ރާއްޖޭގެ ސުޕްރީމު ކޯޓުން. ސުޕްރީމު ކޯޓު ރިފޯމްވާން ޖެހޭ. ސުޕްރީމު ކޯޓުގެ ހުރިހާ ފަނޑިޔާރުން ރައްޔިތުންގެ ކިބައިން މައާފަށް އެދެން ޖެހޭ އަޅުގަޑު ދެކޭ ގޮތުގައި. ދިވެހި ރާއްޖެ މިހިސާބަށް ވައްޓަލުމުގައި ސުޕްރީމު ކޯޓުގެ ދައުރު އެ އޮތީ ފެންނަން.

- މަލީހު

މަލީހު އިތުރަށް ވިދާޅުވީ، ރައީސް ޔާމީންގެ މައްސަލަ ނުނިމި ލަސްވެގެން އާދޭސް ކުރުމުން ވެސް ވަޓްސް އަޕް މެސެޖެއްވެސް ކުރެވުނު ކަމަށް ނުވިއިރު މިހާރު ކުއްލިއަކަށް އުއްތަމަ ފަނޑިޔާރު ފާޅުވެ އިންސާފުގެ ވާހަކަ ދެއްކެވީމާ ލަދު ގަންނަ ކަމަށެވެ.

ކޮމެންޓު
Copyright © 2013-2025 Media Ring Pvt Ltd.
All rights reserved