ސަރުކާރުން ބަހަން ނިންމައިފައިވާ މަސްދަޅު ކޭސް ނެގުމަށްޓަކައި ރޯދަ މަހު 10 ވަނަ ދުވަހަށްވެސް ޓޯކެން ދޫކޮށްފިއެވެ.

އެތައް ދައްޗަކާއި ކުރިމަތިވެ އާންމުންގެ ޝަކުވާތައް ބޮޑުވުމުގެ ސަބަބުން މަސް ދަޅު ކޭސް ބަހަން ހާއްސަ ޕޯޓަލެއްވަނީ ތައާރަފުކޮށްފައެވެ.

އެގޮތުން މި ޕޯޓަލް މެދުވެރިކޮށް ކޮންމެ ދުވަހަކުވެސް އިރު އޮއްސި 6 ޖެހުމުގެ ފަހުން މަސްދަޅު ކޭސް ނެގުމަށްޓަކައި ނަންބަރު ދޫ ކުރާނެއެވެ.

ނަމަވެސް ރޯދަ މަހާއި ދިމާކޮށް ސަރުކާރުން މި މަސްދަޅު ކޭސްތައް ބަހަން ނިންމާފައިވާއިރު އެ މަހުގެ 10 ވަނަ ދުހަވަހާއި ހަމައަށްވެސް މަސްދަޅު ކޭސް ނެގުމަށްޓަކައި ޓޯކަން ދޫ ކުރިކަންވަނީ ހާމަވެފައެވެ.

މިކަމާއި ގުޅިގެން ގިނަ ރައްޔިތުން ގެންދަނީ ނުރުހުން ފާޅު ކުރަމުންކަމަށްވެސް ފާހަަގަ ކުރެވެއެވެ.

ބައެއް މަސްދަޅު ކޭހުގައި ދަޅުގެ އަދަދު މަދުވާ މައްސަލައެއް ފެންމަތިވިކަންވެސް ފާހަގަކޮށްލެވެއެވެ. އެގޮތުން މަސްދަޅު ކޭސް ބަލާ ރައްޔިތުން ގޮސް އަނބުރާ ގެއަށް އައުމުގެ ކުރިން އެ ހަވާލުވި ތަނެއްގައި ހުރެ ކޭސް ކަނޑާ ކޭހުގައި މަސްދަޅު ހަމައަށް ހުރިތޯ ޔަގީންކުރަން ޖެހޭކަމަށް ގިނަ ރައްޔިތުން ގަބޫލު ކުރެއެވެ.