ރާއްޖެއަށް މިހާރު ކުރަމުން އަންނަ ވިއްސާރައިގައި މ އަތޮޅުން ފެށިގެން ފުވައްމުލަކު ސިޓީ އަށް ރީނދޫ ސަމާލު ނެރެފިއެވެ.
މޫސުމާއި ބެހޭ ގައުމީ އިދާރާ (މެޓް) އިން ރީންދޫ ސަމާލު ނެރެފައިވަނީ މ އަތޮޅުން ފެށިގެން ފުވައްމުލަކު ސިޓީއާއި ހަމައަށް ހެނދުނު 11:00 އިން މެންދުރު ފަހު 15:00 އާއި ހަމައަށެވެ.
މެޓުން ހާމަކޮށްފައިވާ ގޮތުގައި މި ގަނޑިތަކުގައި ބޯކޮށް ވާރޭވެހުމާއެކު ގުގުރާނެ ކަމަށް ލަފާ ކުރެވޭ ކަމަށެވެ.
މީގެ އިތުރުން މެޓް އޮފީހުން ވަނީ ނ އަތޮޅުން ފެށިިގެން ވ އަތޮޅާ ހަމައަށް ހުދު ސަމާލު ނެރެފައެވެ. އެގޮތުން ހުދު ސަމާލު ނެރެފައިވަނީ ހެނދުނު 10:00 އިން ހަވީރު 16:00 އާއި ހަމައަށެވެ.
އެގޮތުން މި ހިސާބުތަކަށް ގަނޑިއަކު 19 މޭލާ 24 މޭލާ ދެމެދުގެ ބާރު މިނުގައި ވައިޖެހި ކަނޑުތައް ގަދަވާނެ ކަމަށް މެޓު އޮފީހުން ލަފާކޮށްފައިވެއެވެ.
މޫސުމާ ބެހޭ ގައުމީ އިދާރާއިން ވަނީ މޫސުމަށް ސަމާލުވުމަށް އިލްތިމާސް ކޮށްފައެެވެ.
