މޫސުން ވަރަށް ބޮޑަށް ގޯސްވެ، ރާއްޖޭގެ ބޮޑު ސަރަހައްދަކަށް މޫސުމާ ބެހޭ އިދާރާ އިން މިރޭ އޮރެންޖު އެލާޓް ނެރެފި އެވެ.

އޮރެންޖު އެލާޓް ނެރެފައިވަނީ މާލެ ސަރަަހައްދު ހިމެނޭހެން ބ. އަތޮޅުން ފެށިގެން ދ. އަތޮޅާ ހަމައަށެވެ.

މެޓުން އޮރެންޖު އެލާޓް ނެރެފައިވަނީ މިރޭ 12 ޖެހުމާ ހަމައަށެވެ. އެ ސަރަހައްދުތަކަށް ގުގުރުމާ އެކު ވަރަށް ބޯކޮށް ވާރޭވެހި، ފެން ބޮޑުވާނެ ކަމަށް އެ އެލާޓްގައި ލަފާކޮށްފައިވެ އެވެ.

ބޯކޮށް ވާރޭވެހުމާ ގުޅިގެން ވެރިރަށް މާލޭ ސިޓީގެ މަގުތަކުގައި މިހާރު ވަނީ ފެންބޮޑުވެފަ އެވެ. ފެން ހިއްކުމުގެ މަަސައްކަތާއި ވެލިބަސްތާ ޖެހުމުގެ މަސައްކަތް އެމްއެންޑީއެފުން މިހާރު އަންނަނީ ކުރަމުންނެވެ.