ދިވެހިރާއްޖޭގެ ޖުޑީޝަރީއަށް ސުނަމީ ގެނައި ބަޔަކީ އެމްޑީޕީކަމަށް ޕީއެންއެފްގެ އިސް ސަފުގައި ހަރަކާތްތެރިވެވަޑައިގަންނަވާ ގާނޫނި ވަކީލު އަލީ ޝަހު ވިދާޅުވެއްޖެއެވެ.

ޝާހު މިފަދައިން ވިދާޅުވީ ބުރާސްފަތި ދުވަހުގެ ރޭ ޕީއެންއެފުން ބޭއްވި ޖަލްސާގައި ވާހަކަ ދައްކަވަމުންނެވެ.

ސުޕްރީމު ކޯޓުގެ ފަނޑިޔާރުންގެ އަދަދު މަދުކުރުމަށް މި ސަރުކާރުން ކުރަމުން ގެންދާ މަސައްކަތަކީވެސް ހަޑި ހުތުރު ހުދުމުހުތާރު ކަމެއް ކަމަށް ފާހަގަކުރައްވާ ޝާހު ވަނީ ރާއްޖޭގައި ހިނގަމުން ގެންދާ ޖުޑިޝަރީއަށް ނުފޫޒު ފޯރުވުމުގެ ސިސްސިލާ ފެށި ބަޔަކީ އެމްޑިޕީކަން ފާހަގަކުރައްވާފައެވެ.

ދިވެހިރާއްޖޭގެ ޖުޑިޝަރީ ތަޅު އަޅުވާ ތިމާމެން ބޭނުންވާ ހުކުމްތައް ނުޖަހާ ދިނުމުން ގާޒީ ވަގަށް ނަގާ ހަޑި ހޭވީ އެމްޑީޕީގެ ފުރަތަމަ ސަރުކާރުގައި ކަމަށާ އެމްޑީޕީ ފާހަގަވެގެން ދާނީ ރާއްޖޭގެ ޖުޑިޝަރީއަށް ސުނާމީ ގެނަައި ބައެއްގެ ގޮތުގައި ކަމަށް ޝާހު ފާހަގަކުރެއްވިއެވެ. މީގެ އިތުރުން އެމްޑީޕީގެ ދެވަނަ ވެރިކަމުގައި ރައީސް އަބްދުﷲ ޔާމީނަށް ނުހައްގުން ހުކުމް ޖެހުމަށް ވެސް ފަނޑިޔާރުން ގަނެ އެމްޑިޕީއިން ހުކުމް ޖެހިކަން ވެސް އަލީ ޝާހު ވިދާޅުވިއެވެ.

އެގޮތުން ރައީސް ޔާމީނަށް ހުކުމް ޖަހާ ދިން ފަނޑިޔާރުންނަށް ޕްރޮމޯޝަން ދީ މުޅި ޖުޑީޝަރީގެ އިތުބާރު ރައްޔިތުންގެ ކިބައން ނިގުޅައިގެންފައިވާ ކަމަށް ޝާހު ވިދާޅުވިއެވެ.

ޝަހު ވިދާޅުވީ ކޮންމެ ބަޔަކު ކުރިޔަސް މިއަދުވެސް ފެނިގެން ދަނީ ބިލުތައް ފާސްކޮށް ފަނޑިޔާރުންނަށް ބިރު ދައްކަމުން ގެންދާ މަންޒަރު ކަމަށެވެ.