ސަރުކާރުގެ އަމަލުތަކުން ހާމަވަނީ ސުޕްރީމު ކޯޓަށް ހުށަހަޅާފައި އޮތީ ސައްޚަ ދުސްތޫރީ މައްސަލައެއްކަން ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.

އެމަނިކުފާނު މިފަދައިން ވިދާޅުވީ ޕީއެންއެފުން ބުރާސްފަތި ދުވަހުގެރޭ ބޭއްވި ޖަލްސާގައި ވާހަކަ ދައްކަވަމުންނެވެ.

ރައީސް ޔާމީން ވިދާޅުވީ, ދުސްތޫރީ މައްސަލައެއް ހުށަހެޅި މައްސަލަ ސުޕްރީމު ކޯޓުގައި ހިނގަމުން ދަނިކޮށް ސަރުކާރުން ފަނޑިޔާރުންނަށް ނުފޫޒު ފޯރުވަމުން ގެންދާއިރު ފަނޑިޔާރުން ސަސްޕެންޑްކޮށް އަމަލުކުރަމުން ގެންދާއިރު، ފަނޑިޔާރުންގެ މައްސަލަތައް ޕާކުކޮށްފައި ބޭއްވުމަށް ފަހު ދެން ސަރުކާރުން އެ މައްސަލަތައް ބޭނުން ކުރަނީ ހިމަ ރޮދިފަށަކުން ބޮލުގައި އަޅުވާލަން ކަމަށެވެ.

ރައީސް ޔާމީން ވިދާޅުވީ، ސަރުކާރުން އެހާ ވަރަށް ތެޅި ފޮޅެމުންދާތީ ޔަގީންވާ ކަމަކީ ކޯޓަށް ހުށަހެޅިފައި އޮތް މައްސަލައަކީ ސައްހަ މައްސަލައެއް ކަމަށެވެ.

ރައީސް ޔާމީން އިތުރަށް ވިދާޅުވީ، މަޖިލީހުގެ ނައިބު ރައީސް މެދުވެރިކޮށް ޖުޑިޝަރީއާ ކުޅެމުން ސަރުކާރުން ގެންދާ ކަމަށެވެ.