

މި ސަރުކާރުގައި އިލްމުވެރިން ތިބީ ދުންޔަވީ ޖާހަތާއި ވެރިކަމުގެ ދިފާޢުގައި ކަމަށް ކުރިގެ ނައިބު ރައީސް ޑރ މުހައްމަދު ޖަމީލު އަހުމަދު ވިދާޅުވެއްޖެއެވެ.
ޑރ ޖަމީލު މިފަދައިން ވިދާޅުވީ، "އަނިޔާވެރިކަމާއި ކޮރަޕްޝަނާއި ދެކޮޅަށް އަޑު އުފުލުން ގޯސް ކޮށް، ދީނުގެ އަސްލުތައް އޮޅުވާލައިގެން ޚުތުބާ ސިޔާސީކޮށް ބަރަކާތްތެރި ރޯދަމަހު ގެނެސްފައި ވަނީ މުއިއްޒު އަންގައިގެން" މި މައުޟޫގެ ދަށުން އޮންލައިން ނޫހެއްގައި ލުޔެފައިވާ ލިޔުމެއް ހިއްސާކުރައްވާ އެކްސްގައި ކުރެއްވި ޕޯސްޓެއްގައެވެ.
ޑރ ޖަމީލުގެ ޕޯސްޓުގައި ވަނީ މިއީ މިހާ ފާޅުކަން ބޮޑުކޮށް މި މިންވަރަށް ދީނީ ޢިލްވެރިންތަކެއް ސަރުކާރެއްގެ ނުބައި ނުލަފާކަމަށް ލޯމަރައިގެން، ޙައްގު ބަސް ބުނުމަށް ޖެހިލުންވެފައި ތިބި ފުރަތަމަ ފަހަރު ކަމަށް ވެދާނެ ކަމަށް ވިދާޅުވެފައެވެ.
ޝައިޚު ލަތީފުއާ މަޖިލިސް މެމްބަރު އިބްރާޙިމު މުހައްމަދު ( ޖަނާބު) މެން ފަދަ އިލްމުވެރިންނަށް މި ސަރުކާރުން ސޮއިކޮށް އަމަލުކުރުމަށް ނިންމާފައިވާ ސަމޯއާ އެއްބަސްވުން ބާތިލް އެއްޗަކަށް ނުވާ ކަމާ ރައީސް އަބްދުﷲ ޔާމީނަށް ޙަރާމް ޙުކުމްކުރިކަމަށް ބުނި ޖުޑިޝަރީ އަދި ފަނޑިޔާރުން މިއަދު އެބޭފުޅުންނަށް ތަގްވާވެރިންނަށް ވެއްޖެ ކަމަށް ޑރ ޖަމީލު ވިދާޅުވެފައިވެއެވެ.
މިއީ މިހާ ފާޅުކަން ބޮޑުކޮށް މިމިންވަރަށް ދީނީ ޢިލްވެރިންތަކެއް ސަރުކާރެއްގެ ނުބައި ނުލަފާކަމަށް ލޯމަރައިގެން، ޙައްގު ބަސް ބުނުމަށް ޖެހިލުންވެފައި ތިބި ފުރަތަމަ ފަހަރު ކަމަށް ވެދާނެ.
— Mohamed Jameel Ahmed (@MJameelAhmed) March 8, 2025
ޝެއިޚު ލަތީފު، ޖަނާބުން، ޑރ. ޝަހީމަށް މިއަދު @MMuizzu ގެ ސަމޯއާ އެއްބަސްވުން ބާތިލް އެއްޗަކަށް… https://t.co/KMvueSYHoH
ހަމަ އެހެންމެ ރައީސް ޔާމީން މިނިވަން ކުރަން ވަޢުދުވެ ރައީސް މުއިއްޒު ވެރިކަން ހޯދަން ކުރި ޙީލަތް މިއަދު އެއީ އަމާނާތަށްވެ އެއީ ޚިޔާނާތެއްކަމަށް އެ ބޭފުޅުން ދެކިވަޑައިނުގަންނަވާ ކަމަށާ ރައީސް މުއިއްޒު މަޖްލިސް މެމްބަރުންނަށް ރިޝްވަތު ބެހިކަމަށް ކުރެވޭ ތުހުމަތު މިބޭފުޅުންނަށް އޯކޭވެފައިވާ ކަމަށާ ރައީސް މުއިއްޒުގެ މައްޗަށް ކުރެވޭ ނޫމަޑީގެ ޚިޔާނަތުގެ ބޮޑު ތުހުމަތު މިބޭފުޅުންނަށް ނުފެންނަ ކަމަށްވެސް ވިދޅާުވެ ޑރ ޖަމީލ ވަނީ މިއަދު ޝައިޚު ލަތީފު، ޖަނާބުމެން ފަދަ ބޭފުޅުންގެ ދައުރަކީ ރައީސް މައުމޫނު އަބްދުލްގައްޔޫމުގެ ވެރިކަމުގައި އައްބާސާއި އިލްޔާސްގެ ދައުރު ކަމަށް ވިދާޅުވެފައެވެ.
ޑރ ޖަމީލު ޕޯސްޓު ނިންމަވާ ލައްވަމުން ވިދާޅުވެފައިވަނީ، މިއަދު އެ އިލްމުވެރިން ކުރައްވަނީ ދީނުގެ ދިފާޢެއް ނޫން ކަމަށާ، އެ ބޭފުޅުން މިއަދު ތިއްބެވީ ދުންޔަވީ ޖާހަތާއި ވެރިކަމުގެ ދިފާޢުގައި ކަމަށެވެ.