ދޮގު ހެދުން ކުށަކަށް ހަދައިފިނަމަ، އެންމެ ފުރަތަމަ އެކުށުގެ ހުކުމް އިއްވަން ޖެހޭނީ މެމްބަރު އިބްރާހިމު މުހައްމަދު (ޖަނާބު)ގެ ޅޔަނު، އަދުގެ ރައީސުލްޖުމްހޫރިއްޔާ ޑރ މުހައްމަދު މުއިއްޒަށް ކަމަށް ޕީއެންއެފްގެ އިސް ސަފުގައި ހަރަކާތެރިވާ މުހައްމަދު އަހުމަދު ވަހީދު (ވައްޑެ) ވަނީ ވިދާޅުވެއްޖެއެވެ.

ވައްޑެ މިފަދައިން ވިދާޅުވެފައިވަނީ، ދޮގު ހެދުން ޖިނާއީ ކުށަކަށް ހަދަން ޖެހޭ ކަމަށް މައްޗަންގޮޅި އުތުރު ދާއިރާ އިބްރާހިމު މުހައްމަދު (ޖަނާބު) ވިދާޅުވުމާ ގުޅިގެން އެ ވާހަކައަށް ރައްދުދީ އެކްސްގައި ކުރި ޕޯސްޓެއްގައެވެ.

އެގޮތުން ޖިނާއީ ކުށަކަށް ދޮގު ހެދުން ހަދައިފިނަމަ ދިވެހިރާއްޖޭގެ ތާރީޚުގައި އެއްމެ ގިނަ ކުށްވެރިން ތިބި ޕާޓީއަކަށްވާނީ ޕީޕަލްސް ނެޝަނަލް ކޮންގްރެސް (ޕީއެންސީ) ކަމަށާ އެހެނީ މުޅި ޕާޓީގެ ލިޑާޝިޕް މަތިން ތިރިއަށް ހަދަނީ ހުސްދޮގު ކަމަށް ވެސް ވައްޑެ ވަނީ ފާހަގަކޮށްފައެވެ.

މީގެ އިތުރުން މެމްބަރު އިއްބެއަކީވެސް ދޮގެއް ހެދެން އޮއްވާ ތެދު ހަދާ މީހެއް ނޫންކަން މިހާރު ހުރިހާ ރައްޔިތުންވެސް ގަބޫލުކުރާ ކަމަށް ވިދާޅުވެ ވައްޑެ ވަނީ ދޮގު ހެދުން ޖިނާއީ ކުށަކަށް ހެދިޔަސް ނެހެދިޔަސް الله ވަނީ ދޮގުހެދުމަކީ ބޮޑު ފާފައެއްކަމުގައި ލައްވާފައިކަން ހަނދާން ކޮށްދެއްވާފައެވެ. އަދި މިހާރު ރައްޔިތުނަށް ވެރިން ހަދާ ދޮގުތައް ހެދުން ހުއްޓާލައި ބަހާއި އަމަލާއ ި ދިމާކުރަން ޖެހޭ ކަމަށާ ރައްޔިތުން ތިބީ މިހާރު ވަރަށް ބޮޑަށް މެމްބަރު އިއްބެމެން ހަދާ ދޮގުތަކުން އެ އާއިލާދެކެވެސް ފޫހިވެފައި ކަމަށް ވެސް ވައްޑެ ވަނީ ހާމަކޮށްފައެވެ.

ވައްޑެ މިފަދައިން ވިދާޅުވެފައިވާއިރު ރައީސް މުއިއްޒަކި ކަންކަމުގައި ރައްޔިތުންނަށް އޮޅުވާލއްވާ ބަހާ އަމަލާ ދިމާނުވާ ވެރިއެްގެ ގޮތުގައި ގިނަ ރައްޔިތުން ސިފަކުރާ ރައީސެއްކަން ފާހަގަކޮށްލެވެއެވެ.