ސިޔާސީ މަސްރަހަށް ބަލާއިރު ފެންނަމުން ދަނީ ޕީޕަލްސް ނެޝަނަލް ކޮންގްރެސް (ޕީއެންސީ) ސިޔާސީ މައިދާނުން ބާކީވެ މަގްބޫލުކަން ގެއްލޭ މަންޒަރު ކަމަށް ޕީޕަލްސް ނެޝަނަލް ފްރޮންޓް (ޕީއެންއެފް)ގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.
މަލީހު މިފަދައިން ވިދާޅުވީ އެކްސްގައި ކުރެއްވި ޕޯސްޓެއްގައެވެ.
މަލީހު ވިދާޅުވީ، މަޖިލީހުގެ ނައިބު ރައީސްގެ މަގާމުގައި ހުންނެވި އަހުމަދު ނާޒިމަށް (ޖ. ނާޒިމް) އަށް މަޖިލިސް ރައީސްކަން ރައީސް މުހައްމަދު މުއިއްޒު ނުދެއްވައިގެން އުޅެނީ މިހާރު މަޖިލިސް ރައީސްގެ މަގާމުގައި ހުންނެވި އަބްދުއްރަހީމު އަބްދުﷲ (އަދުރޭ)އަށް ވުރެވެސް ނާޒިމްގެ ނުބައިނުލަފާކަން ބޮޑުވާނެތީ ކަމަށް އެތެރެ ކޮއިލުގެ ޚަބަރުތަކުން ހާމަވާ ކަމަށެވެ.
އެގޮތުން އެބައެއްގެ ރޮނޑުގެ ހަންދަމާނީ އެބަޔަކު ބޭނުންވާ ގޮތަށް ކަމަށާ ނަމަވެސް ފެންނަމުން ދަނީ ޕީވީސީ ޕާޓީ ބޮކިޖަހާފަ އަޑިޔަށް ދާތަން މަންޒަރު ކަމަށް މަލީހު ވަނީ ވިދާޅުވެފައެވެ.
މަލީހު މިފަދައިން ވިދާޅުވެފައިވާއިރު، މަޖިލީހުގެ ރައީސްކަމުން އަބްދުއްރަހީމު ދުރުކޮށް އެ މަގާމަށް އިންގުރައިދޫ ދާއިރާގެ މެމްބަރު އަދި ޕީއެންސީގެ ÷ިޛީ ލީޑަރު އިބްރާހިމު ފަލާހު ގެންނަން ސިއްރު މަޝްވަރާތައް ޕާޓިގެ ތެރޭގައި ކުރިއަށް ގެންދާކަމުގެ މައުލޫމާތު ވަނީ ލިބިފައެވެ. އަދި މިހާރު ރައީސް މުއިއްޒު ވަނީ ޕީއެންސީ ހިންގުމިގެ ބާރުވެސް އަބްދުއްރަހީމު އަތުން ނަގާ ފަލާހު އާ ހަވާލުކޮށްފައެވެ.
