ސުޕްރީމް ކޯޓުގެ ފަނޑިޔާރުންނަށް ބިރު ދައްކައި މިނިވަން މުއައްސަސާތައް މެދުވެރިކޮށް ރައީސުލްޖުމްހޫރިއްޔާ ޑރ. މުހަސުޕްރީމް ކޯޓުގެ ފަނޑިޔާރުންނަށް ބިރު ދައްކައި މިނިވަން މުއައްސަސާތައް މެދުވެރިކޮށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ޝަރުއީ ނިޒާމަށް ނުފޫޒު ފޯރުވަމުންދާކަމަށް ބުނެ ކުރާ ތުހުމަތުގެ އަޑު ގަދަވުމުން ވެރިކަން ކުރާ ޕީޕަލްސް ނެޝަނަލް ކޮންގްރެސް (ޕީއެންސީ) އިން މިފަހުން ވަނީ ރައީސް މުއިއްޒުގެ ދިފާއުގައި ބަޔާނެއް ނެރެފަ އެވެ.

ޕީއެންސީގެ ބަޔާނުގައި ބުނީ ފަނޑިޔާރުންނާ ގުޅޭގޮތުން ހުށަހެޅޭ މައްސަލަތައް ބަލައި ގޮތެއް ނިންމުމުގައި ވަކި ކޯޓެއްގެ ފަނޑިޔާރަކަށް ވީތީ ނުވަތަ ވަކި މައްސަލައެއް ބަލަމުން ދާތީ ތަފާތު ނުކުރެވޭނެ ކަމަށެވެ. އެގޮތުން ފަނޑިޔާރަކާމެދު ޝަކުވާއެއް ނުވަތަ މައްސަލައެއް މިނިވަން މުއައްސަސާއަކަށް ހުށަހެޅިއްޖެ ނަމަ އެ މައްސަލައެއް ބަލަމުން ދިޔުމަކީ އެ ކޮމިޝަންތަކުގެ މައްޗަށް އޮތް ގާނޫނީ ޒިންމާއެއް ކަމަށް އެ ޕާޓީން ބުންޏެވެ.

ޕީއެންސީން ބުނީ ސުޕްރީމް ކޯޓުގެ ފަނޑިޔާރުންގެ މައްސަލަތައް ބަލަމުން ދިޔުމުން ހާމަވަނީ ދުސްތޫރީ ނިޒާމު ހިނގަންޖެހޭ ގޮތަށް ރަނގަޅަށް ހިނގަމުން ދާކަން ކަމަށެވެ. އަދި ރާއްޖޭގެ ދުސްތޫރީ ނިޒާމު ހިނގަންޖެހޭ ގޮތަށް ހިނގަމުންދާކަން ކަށަވަރު ކުރެއްވުމަށް ރައީސް މުއިއްޒު ކުރައްވަނީ ނަމޫނާ މަސައްކަތެއް ކަމަށް ވިދާޅުވެ ޕީއެންސީން ވަނީ އެމަނިކުފާނަށް މަރުހަބާ ވެސް ވިދާޅުވެފަ އެވެ.

ޖުޑީޝަލް ސާރވިސް ކޮމިޝަންތަކުގެ މައްޗަށް މަތިކުރެވިފައިވާ ދުސްތޫރީ އަދި ގާނޫނީ ޒިންމާގެ ހަމައިން ބަލާއިރު، ސުޕްރީމް ކޯޓުގެ ފަނޑިޔާރުންނާ މެދު މިހާރު ކަން ކުރެވެމުން އެ ދަނީ ވެސް ގާނޫނުއަސާސީ އާއި ގާނޫނުތަކުގައި ވާގޮތުގެ މަތިން ކަމަށް ރައީސް ޑރ. މުއިއްޒު ރައީސް ކަން ކުރައްވާ ޕީއެންސީން ބުންޏެވެ.

އަޅުގަނޑުގެ ހަދާނަށް އަނެއްކާ ވެސް އަންނަނީ ޖަރުމަނުގައި ނާޒީންގެ ދުވަސްވަރު ވެރިކަން ކުރި އަނިޔާވެރި ވެރިޔާ އެޑޮލްފް ހިޓްލަރު މަތިން ނެވެ. ހިތު ހުރިހާ ގޮތަކަށް ރައްޔިތުންނާއި މެދު ކަން ކުރަން ޖަރުމަނުގައި ވެރިކަންކުރި އެޑޮލްފް ހިޓްލަރަށް ވެސް ބާރު ލިބުނެވެ. އަނިޔާވެރިކަން ބޭއިންސާފު އިސްކުރަން އޭނާ ވެސް ބާރުވެރިކަން ހޯދީ ޕީއެންސީން އެ ބުނާ ފަދައިން ދުސްތޫރީ އަދި ގާނޫނީ އިމުގެ ތެރޭގަ އެވެ. ޖަރުމަނު ގާނޫނު ހަދާ މަޖިލިސް އޮތީ ހިޓްލަރުގެ މުށުގައި އެވެ. ބޭނުން ކޮންމެ ކަމެއް ކުރީ ގާނޫނު ހަދައިގެންނެވެ. މެންބަރުންނަށް ފައިސާ ބަހައިގެން ނެވެ. އެކި ސިފަތަކުން ޖަރީކޮށް މޮނިއުމަންޓް ސިފައިގައި ހުރި ބުދުތަކުން މުޅި ޖަރުމަނާއި ޔޫރަޕް ފަތަހަ ކުރި އެވެ. އެ ބުދު ތަކަކަށް އަޅުކަން ކުރަން މުޅި އިންސާނީ ދަރިފަސްކޮޅަށް މަޖުބޫރު ކުރުވާ ފަދަ އަށް ދުނިޔޭގެ ރަސްކަން ހިސޯރުކުރި އެވެ.

އަދުލު އިންސާފުގެ ކޯޓުތަކަށް އައްޔަންކުރާ ފަނޑިޔާރުން ހުވާކުރަން ޖެހެނީ ހިޓްލަރުގެ ނާޒީ ޕާޓީގެ ސިޔާސަތާއި ފިކުރަށް ތަބާވެ ހުކުމްތައް ނެރުމަށެވެ. އެ ކޯޓުތަކުން ރިއާޔަތްކުރަން ޖެހޭ ގާނޫނެއް ގަވައިދެއް ނޯވެ އެވެ. އަދަބު ލިބެން ޖެހޭ ކަމަށް ހިޓްލަރަށް ފެންނަ ކޮންމެ މީހަކު ހައްޔަރުކޮށް ކޯޓަށް ހާޒިރު ކުރުމުން އަދަބެއް ކަނޑައަޅާނެ އެވެ. އެއީ ކޮންމެހެން ގާނޫނެއްގައި ބަޔާންކުރާ ކުށެއް ކުރި މީހަކަށް ވާކަށް ނުޖެހެ އެވެ.

ނަމަވެސް ނިމިގެން ދިޔަ ގަރުނުގެ އެންމެ ބޮޑު އެއް އެއް އަނިޔާވެރިޔާ "ހިޓްލަރު"ގެ ނަމާއި ނިޝާންތަކާއި އިޝާރާތްތައް ވެސް އިންސާނިއްޔަތާ ދެކޮޅު މުޑުދާރު އެއްޗެހީގެ ގޮތުގައި ދުނިޔެއިން މިއަދު ސިފަކުރަނީ ހިޓްލަރުގެ އަނިޔާވެރިކަމުގެ ރަމްޒުތަކަށް ވާތީ އެވެ. ހިޓްލަރު ފާހަގަވެފައި ވަނީ ޔަހޫދީންގެ އެތައް މިލިއަން މީހުން މެރި ޑިކްޓޭޓަރެއްގެ ގޮތުގަ އެވެ. މުޅި އިންސާނީ ކަރާމަަތަށް ކުރި ބޭއިންސާފެއްގެ ގޮތުގައި އެވެ.

ޕީއެންސީން އެ ބުނީ މުޅިއަކުން ދޮގެއް ނޫނެވެ. ޖުމްލަ 93 މެންބަރުން ތިއްބަވާ ރައްޔިތުންގެ މަޖިލީހުގެ ސުޕަ މެޖޯރިޓީ އޮތީ ވެރިކަން ކުރާ ޕީއެންސީ އަތުގައި އެވެ. އެވެރިން އެގެންދަނީ ރައީސް ޑރ. މުއިއްޒު އެދިލެއްވި ކޮންމެ ފަދަ ގާނޫނެއް ވެސް ލިޔެ ތައްޔާރުކޮށް ފާސްކުރަމުން ނެވެ. އަދި އެހާމެ އަވަސް އަރުވާޖަހައި ތިބެގެންނެވެ. ގާނޫނޫ އަސާސީ ބަދަލުކޮށްލަނީ ރައްޔިތުންގެ ހިޔާލެއް މަޝްވަރާއެއް ވެސް ނެތި ހަތަރު ފަސް ގަޑިއިރުން ނެވެ. ހިޓްލަރަށް ވުރެވެސް "ފާސްޓް" އެވެ.

ޖަނަވާރުގެ ނަމުން މަޝްހޫރު ވެފައިވާ ކޮލަމްބިޔާގެ ލުއީސް ގަރަވީތޯ، ޗައިނާގެ ޔޭން ޒިންގްހައި ރަޝިޔާގެ އަންޑްރެއި ޗިކަޓިލްކޯ އެމެރިކާގެ ޓެޑް ބަންޑީ، އިންޑޮނީޝިޔާގެ އަހުމަދު ސުރާޖީ އަދި އެމެރިކާގެ ރިޗާޑް ކުކްކިލިންސްކީ ފަދަ ގާތިލުން ފަދައިން ނެވެ. އެމީހުން ވެސް ބުނަމުން ދިޔަ ވާހަކަ އަކީ އެ ގައުމުތަކުގައި ވެރިކަން ކުރަމުން ދިޔައީ ދުސްތޫރީ ގާނޫނީ ނިޒާމު ހިނގަންޖެހޭ ގޮތަށް ރަނގަޅަށެވެ. އެވެރިންގެ ވެރިކަމުގައި ރައްޔިތުންނަށް ލިބުނު ކިތަންމެ ބޮޑު ގެއްލުމެއް ވެސް ލިބި އެތައް ރައްޔިތުންނެތް ގެއްލި މަރުވެ ހަފުސް ވެގެން ދިޔައީ ވެސް ރައްޔިތުންގެ ތާއީދާ އެކު ވޯޓުން އުފެދުނު ގާނޫނީ ސަރުކާރު ތަކުންނެވެ.

ލުއީސް ގަރަވީތޯ، ޓެޑް ބަންޑީ، އަންޑްރެއި ޗިކަޓިލްކޯ، އިންޑޮނީޝިޔާގެ އަހުމަދު ސުރާޖީ އަދި ހިޓްލަރު ފަދަ އަނިޔާވެރިންގެ ވާހަކަ މި ރިޕޯޓްގައި މި ފައިސަލާ ކޮށްލީ މި ވެރިންގެ "ވެރިކަމުގެ ހުތުރު ސިފަ" ޑރ. މުއިއްޒުގެ ބޮޓުން ނަށް ހަދާން ކޮށްދިނުމަށެވެ. ބޭނުމަކީ ނުބައި ކަންތައްތައް ތަކުރާރު ވުން ހުއްޓުވުމަށް ޓަކައި އެފަދަ ކަންތައްތައް ދިމާވެދާނެ އާގޮތްތައް ދިރާސާ ކުރުމަށެވެ. އެއީ ދައުލަތް ދަމަހައްޓަން މަސައްކަތް ކުރުމަކީ އެ ދައުލަތުގެ ހިމެނޭ ކޮންމެ ފަރުދެއްގެ ޒިންމާއެއް ކަމަށް ވާތީ އެވެ. އަދި ސަރުކާރުން ރައްޔިތުންނަށް އަނިޔާވެރިވެ، ގާނޫނުއަސާސީއާ ހިލާފަށް ބޮޑެތި މަސައްކަތްތަކެއް ކޮށް، އެކަންތައްތަކުގެ ނަތީޖާއިން ދައުލަތް މުޅި ޗާޓުން ފޮހެވޭވަރުގެ ކަންތައްތަކެއް ކުރެވޭނަމަ އެއީ ރައްޔިތުންގެ ބަސް ބުނަންވީ ވަގުތު ކަން ހަދާކޮށްދިނުމެވެ.

އަދި އެއެް ވާހަކަ އެވެ.

ކުރީގެ ރައީސް މުހައްމަދު ނަޝީދުގެ ވެރިކަމުގައި އައްޑޫ ގައި ބޭއްވި ސާކް ސަމިޓާ ދިމާކޮށް، މޮނިއުމަންޓް ސިފައިގައި ހުރި ބުދުތަކެއް އެ ސިޓީ ގައި ބެހެއްޓި މައްސަލަ ވެސް ކުރިން ވަރަށް ބޮޑަށް ހޫނުވެ، ބޮޑު ހަމަނުޖެހުމަކަށް ދިޔަ އެވެ. އެ ތަކެތި، އެމްޑީޕީގެ ސަރުކާރުން އޭރު އެ ނުނެގުމުން އައްޑޫގެ ބައެއް މީހުން ވަނީ އެ އަށް ގެއްލުން ދީ ހަލާކުކޮށްލައިފަ އެވެ. އަދި އިންސާނުންނާ ވައްތަރު ގޮތަށް ހަދާފައި ހުރި ބުދުތަކެއް ށ. އަތޮޅުގައި ހިންގާ ސިއްރު ފެންފުށީ ގައި ބެހެއްޓި މައްސަލައެއް ވެސް ހޫނުވި އެވެ. އަދި އެ ތަކެތި ވަގުތުން ނަގަން އެއިރުގެ ސަރުކާރުން އެންގި އެވެ.

ނަމަވެސް މިއަދުގެ ހާލަތާއި މަންޒަރު މިދަނީ މުޅިން ބަދަލުވަމުން ނެވެ. ގާނޫނީ ސަރުކާރުގެ ސިފަ ގެއްލި ރައްޔިތުންގެ އަޑު ކެނޑިއްޖެ އެވެ. ގައުމުގެ ހުރިހާ މުއައްސަސާތަކެއް ހިޓްލަރު ފަދައިން "މއއޒ" ކޮންޓްރޯލްކުރާ ކަމާއި އެކަން ކުރާ ގޮތް ދިވެހިންނަށް އަދި މުޅި ދުނިޔެއަށް ވެސް އެނގެ އެވެ. އެކަމަކު އެ ވާހަކަ ދައްކަން ކެރޭ މީހުން މަދީ އަނިޔާވެރިކަމާ ހެދި އެވެ.

ހިޓްލަރު އުފަންވީ 1889 ވަނަ އަހަރު އޮސްޓްރިއާގަ އެެވެ. ހިޓްލަރު އުފަންވި އިމާރާތުގެ ކުރިމަތީގައި މިހާރު ވެސް ބޮޑު ގަލެއް ބައިންދާފައި ހުންނަ ކަމަށްވެ އެެވެ. އަދި "މިފަދަ ދުވަހެއް ދެން ނުދައްކަވާށި" މިފަދައިން ލިޔެފައިވާ ލިޔުމެއް އެ ގަލުގައި އޮވެ އެެވެ.

މިއަދު ދިވެހިންގެ ނިދާ އަކީ ވެސް ހަމަ އެއީ އެވެ. ސަބަބުތައް ކިތަންމެ ހާ ވެސް ގިނަ އެވެ. އެއް ސަބަބަކީ މި ދާވަރުން ދާނަމަ މއއޒ ސިފައިގައި ބުދުހަދާ އެއީ މޮނިއުމެންޓެއް ކަމަށް ބޮޓުން ބުނާނެ ދުވަސް ދާދިގާ ތެވެ.

"މިފަދަ ދުވަހެއް ދެން ނުދައްކަވާށި" އެވެ.

އާމީން...