ރައީސް ޔާމީން ޕީއެންއެފް ޖަލްސާގައި ވާހަކަފުޅު ދައްކަވަނީ / ތޭރަ އޮންލައިން
ސިޔާސީ
ރައީސް ޔާމީންގެ ސުވާލެއް: އަހުލިއްޔަތު ގެއްލިފައި ހުރި މީހަކު ބަހައްޓައިގެން ކުރިއަށް ދިޔައީ ކީއްވެތޯ؟
Mariyam Isaadha
މަރިޔަމް އިސާދާ
13 މާރިޗު 2025
މާލެ ސިޓީ

ކަމުގެ އަހުލިއްޔަތު ގެއްލިފައި ހުރި މީހަކު ސުޕްރީމު ކޯޓުގައި ބަހައްޓައިގެން މިއޮއް ހުރިހާ ދުވަހު ސުޕްރީމު ކޯޓުގެ މަސައްކަތްތައް ކުރިއަށް ގެންދިޔަ ސަބަބާ މެދު ރައީސް އަބްދުﷲ ޔާމީންގެ ސުވާލެއް ސަރުކާރަށާ ޖުޑިޝަލް ސާވިސް ކޮމިޝަނަށް އަމާޒުކުރައްވައިފިއެވެ.

ރައީސް ޔާމީން މިފަދައިން ވިދާޅުވެފައިވަނީ މިދިޔަ ބުރާސްފަތި ދުވަހުގެރޭ ބޭއްވި ޕީއެންއެފްގެ ޖަލްސާގައި ވާހަކަފުޅު ދައްކަވަމުންނެވެ.

ރައީސް ޔާމީން ވަނީ ދުސްތޫރީ މައްސަލައެއް ސުޕްރީމު ކޯޓުގައި އޮއްވާ ކުއްލިއަކަށް އެތަނުން ބައެއް ފަނޑިޔާރުންގެ ސުލޫކީ މައްސަލަތައް ފެންމަތިކޮށް މައްސަލަ ބެލުމުގެ ނަމުގައި ސަސްޕެންޑްކޮށް ސަރުކާރުން ސިޔާސީ ހަތިޔާރެއްގެ ގޮތުގައި ޖޭއެސްސީ ބޭނުންކުރަމުން ދާއިރު ހުސްނުއްސުއޫދުގެ މައްސަލަތަކެއް 2022 ވަނަ އަހަރުން ފެށިގެން ހުރި އިރު މި ސަރުކާރުން މަޑުން 15 މަސް ވަންދެން ތިބި ތިބުމާ މެދު ސުވާލު އުފެދޭ ކަމަށެވެ. ރައީސް ޔާމީން ވިދާޅުވީ ފަހަރުގައި ސުއޫދުއާ މި ސަރުކާރާ ވެސް ދޯޅުކަމެއް އޮތީ ކަމަށްވެސް ވުން އެކަށީގެންވާ ކަމަށެވެ.

ހުސްނުއް ސުއޫދުގެ މައްސަލައެއް ޖޭއެސްސީގައި އޮންނަތާ ލައްކަ ޒަމާން ވެއްޖެ ކަމަށް ނުންތޯ ވަނީ. ޖޭއެސްސީއިން ކަމުގެ އަހުލިއްޔަތު ގެއްލިފައި ހުރި މީހަކު ސުޕްރީމު ކޯޓުގެ ފަނޑިޔާރަކަށް ބަހައްޓައިގެން މި ގެންދިޔައީ ކީއްވެތޯ. އަޅުގަޑުގެ މައުޟޫ މި ތަރުޖަމާ ކުރަނީ ޖޭއެސްސީ މި ބޭނުންކުރަނީ ހަތިޔަރާކަށޭ.

- ރައީސް ޔާމީން

ރައީސް ޔާމީން ވިދާޅުވީ، ދުސްތޫރީ މައްސަލަ ކޯޓަށް ވެއްދުމުން އުއްތަމަ ފަނޑިޔާރު ސިޔާސީ މީހުންނާ ބައްދަލުކޮށް މަޝްވަރާކުރުން ގޯސްކަމަށާ އެއީ އުއްތަމަ ފަނޑިޔާރުގެ ނަޒާހަތްތެރިކަމާ މެދު ސުވާލު އުފައްދަން ޖާގަ ލިބޭ ކަމެއް ކަމަށެވެ.

ކޮމެންޓު
Copyright © 2013-2025 Media Ring Pvt Ltd.
All rights reserved