ރައީސް އަބްދުﷲ ޔާމީން އަބްދުލް ޤައްޔޫމްގެ ބަންދާއި ގުޅިގެން މިހާރުގެ ހޯމް މިނިސްޓަރު އަލީ އިހުސާން ދެއްވި ޖަވާބަށް، ރައީސް ޔާމީންގެ ޕާޓީ ހިންގެވުމުގައި އިސްކޮށް އުޅުއްވާ، މުހައްމަދު މަލީހު ޖަމާލު ރައްދުދެއްވައިފިއެވެ.

މަލީހު މިފަދައިން ވިދާޅުވީ، ޕީއެންއެފް އޮފީހުގައި އަންގާރަ ދުވަހުގެ ރޭ އޮތް ޖަލްސާގައި ވާހަކަދައްކަވަމުންނެވެ.

ހޯމަ ދުަހު ހޯމް ޓީމް އިން ބޭއްވި ނޫސްވެރިންގެ ބައްދަލުވުމެއްގައި ވާނުވާ ބަންދުތަކާއި ރައީސް ޔާމީނަށް ލުއި ނުދޭން ނިންމީ ކޮން އުސޫލަކުންތޯ ސުވާލު ކުރުމުން މިނިސްޓަރު އިހުސާން ވަނީ އެއްވެސް މީހަކު ވާނުވާ ބަންދެއްގައި ނުހުންނަނެ ކަމަށްވިދާޅުވެފައެވެ. އަދި ވިދާޅުވީ، ރައީސް ޔާމީނަކަށް އެހެން މީހަކަސް ލުޔެއް ނުދެވޭނެ ކަމަށެވެ.

މިނިސްޓަރު މިފަދައިން ވިދާޅުވުމާއި ގުޅިގެން މަލީހު ވަނީ ކަންބޮޑުވުން ފާޅުކޮށް ވާހަކަ ދައްކާފައެވެ.

އެގޮތުން މަލީހު ވިދާޅުވީ، މިނިސްޓަރު ވަނީ ވާނުވާ ބަންދުގައި ތިބޭ މީހުންނާއި ރައީސް ޔާމީނަށްވެސް މި ސަރުކާރުންވެސް ލުޔެއްނުލިބޭނެ ކަމަށް ވިދާޅުވެފައިކަމަށް ފާހަގަކުރައްވާފައެވެ.

މަލީހު ވަނީ ހޯމް މިނިސްޓަރު އެފަދަ މޭރުމަކުން ދެއްކި ވާހަކަތައް ހަރު7ކަށި އިބާރާތުން ކުށްވެރިކުރާކަމަށް ވިދާޅުވެފައެވެ.

މީގެ އިތުރުން މަލީހު ވަނީ މި ސަރުކާރަކީ ރައީސް ޔާމީން މިނިވަން ކުރުމަށް ވޯޓު ދޭށޭ ކިޔައި ވައުދުވެގެން އައި ސަރުކާރެއް ކަމަށްވެސް ފާހަގަކުރައްވާފައެވެ.