ދިވެހިރާއްޖޭގެ އިގުތިސާދީ ސަރަހައްދުގައި މަސްވެރިކަަން ކުރި، ދިވެހި މަސްްދޯނިތަކަށް އިންޑިއާ ސިފައިން ހަތިޔާރާ އެކު އެރި މައްސަލާގައި ޑިފެންސް މިނިސްޓަރު ޣައްސާން މައުމޫނު ހާޒިރުކުރަން ރައްޔިތުންގެ މަޖިލީހުގެ ސަލާމަތީ ހިދުމަތްތަކުގެ ކޮމިޓީ (241 ކޮމިޓީ) އިން ނިންމައިފި އެވެ.
މަޖިލީހުގެ 241 ކޮމިޓީއަކީ ގާނޫނު އަސާސީގެ 241 ވަނަ މާއްދާއިން ބާރުދީފައިވާ ކޮމިޓީއެއްކަން ފާހަގަކޮށްލެވެއެވެ.
އެ ކޮމިޓީން ބޭއްވި ބައްދަލުވުމުގައި ނިންމީ މަސްދޯނިތަކަށް އިންޑިއާ ސިފައިން އެރި މައްސަލާގައި ކަންހިނގާފައިވާ ގޮތް އޮޅުންފިލުވުމަށްޓަކައި ޑިފެންސް މިނިސްޓަރު ހާޒިރުކޮށް ސުވާލު ކުރުމަށެވެ.
ރާއްޖޭގެ ހާއްސަ އިގުތިސާދީ ސަރަހައްދުގައި އުޅުނު މަސްދޯނިތަކަކަށް އިންޑިއާ ސިފައިން އެރީ ޖެނުއަރީ 31، އަދި ފެބްރުއަރީ 1، ގައެވެ.
އިންޑިއާ ސިފައިން އެރީ އަސުރުމާ-3، ނިރު-7 އަދި މާހޯރަ-3 ނަމަކަށް ކިޔާ ދޯނިތަކަކަށްށެވެ! އެ ދޯނިތަކަށް އެރުމަށްފަހު ބަލައި ފާސްކޮށް، މަސްވެރިންނަށް ވަކި ގޮތަކަށް އަމަލު ކުރުމަށް ސިފައިން ވަނީ އަމުރުކޮށްފަ އެވެ.
މިކަމާ ގުޅިގެން އެކަމުގައި ޖަވާބުދާރީވާން ރާއްޖޭން އެދުނު ނަމަވެސް އިންޑިއާއިން އަދި ޖަވާބެއް ދީފައިނުވެއެވެ.
