ސިފައިން ކޮންމެ މުޒާހަރާއަކާއި ދިމާކޮށް ނެރުމަކީ ކަނޑައެޅިގެން ގާނޫނާއި ހިލާފު އަމަލެއްކަމަށް ރައީސް އަބްދުﷲ ޔާމީން އަބްދުލްގައްޔޫމް ވިދާޅުވެއްޖެ އެވެ.

ރައީސް ޔާމީން މިފަދައިން ވިދާޅުވެފައިވަނީ ޕީޕަލްސް ނޭޝަނަލް ފްރަންޓް ޕީއެންއެފްގެ ފްރަންޓް އޮފީސް ޖަލްސާގައި ވާހަކަފުޅު ދައްކަވަމުންނެވެ.

މުޒާހަރާތައް ކޮންޓްރޯލުން ނެއްޓޭ ދަނޑިވަޅުގައި ހާލަތާއި ނުބައްދަލު ބާރު ބޭނުން ކުރުމަކީ މައްސަލައެއްކަމަށް ރައީސް ޔާމީން ވިދާޅުވި އެވެ.

އަދި މިއަދު ކޮންމެ މުޒާހަރާއެއް ހުއްޓުވުމަށް ސިފައިންނާއި ފުލުހުން ހަރަކާތްތެރިވާކަމަށް ފާހަގަކޮށް އެކަން ނުކުރުމަށް ޑިފެންސް މިނިސްޓަރާއި ޗީފް އޮފް ޑިފެންސް ފޯސްއަށް ރައީސް ޔާމީންވަނީ ގޮވާލައްވާފަ އެވެ.

އެގޮތުން ރައީސް މުއިއްޒުގެ ދައުރުގައި ފެނިގެންދަނީ މުޒާހަރާތަކަށް ހުރަސް އެޅުމަށްޓަކައި ސިފައިންނާއި ފުލުހުން ހަރަކާތްތެރިވާ މަންޒަރުކަމާއި އެއީ ވަރަށް ދެރަ ކަމެއްގެ ގޮތުގައި ސިފަކޮށްފަ އެވެ.

އަދި މިއަދު ބޭނުން ކުރަނީ ހާލަތާއި ނުބައްދަލު ބާރުގެ ބޭނުންކަން ފާހަގަކޮށް އެމަނިކުފާނުވަނީ އެކަމާއި ގުޅިގެން ކަންބޮޑުވުން ފާޅުކޮށްފަ އެވެ.