ރިޔާސީ އިންތިހާބުގައި ރައްޔިތުންނަށް ދެއްވި މޯގޭޖްއަކީ ރައީސް ޔާމީން ކަމަށް ޑރ ޖަމީލް ވިދާޅުވެއްޖެއެވެ.

ޑރ ޖަމީލް މިފަދައިން ވިދާޅުވެފައިވަނީ ވީކެންޑް ވިތް ޑރ ޖަމީލް ޕްރޮގްރާމްގައި ވާހަކަފުޅު ދައްކަވަމުންނެވެ.

ޑރ.ޖަމީލް ވިދާޅުވީ ނިމިދިޔަ ރިޔާސީ އިންތިހާބުގައި ރައްޔިތުން ކައިރިއަށް ވޯޓު ހޯދުމަށް ދިޔައީ ރައީސް ޔާމީން މިނިވަންކުރާނެ ކަމަށް ވިދާޅުވެ، ރައީސް ޔާމީން އެސެޓެއްގެ ގޮތުގައި ބޭނުން ކުރައްވައިގެންކަމަށެވެ.

އެގޮތަށް ނިންމެވުމަށްފަހު ރައްޔިތުންގެ އަރިހަށް ވަޑައިގެން މޯގޭޖްކުރެއްވި އެސެޓަކީ ރައީސް ޔާމީން ކަމަށް ވިދާޅުވިއެވެ.

އިތުރަށް ޑރ.ޖަމީލް ވިދާޅުވީ މިހާރުގެ ހާލަތު އޮތީ އޭރު އެމްޑީޕީގެ ސަރުކާރުގައިވެސް ހާލަތު އޮތްގޮތަށް ކަމަށެވެ.