

ފަލަސްތީނުގެ ރައްޔިތުން ފިތުރު އީދުގެ ފުރަތަމަ ދުވަސް ފާހަގަ ކުރަމުން ދަނިކޮށް އާދީއްތަ ދުވަހު ސަހްޔޫނީން ދިން ވައިގެ ހަމަލާއެއްގައި 8 މީހަކު ޝަހީދު ވި އިރު އޭގެ ތެރޭގައި ފަސް ކުޑަކުދިން ހިމެނެއެވެ.
ހުކުރު ދުވަހު ދިން މި ވައިގެ ހަމަލާ ދީފައިވަނީ މެދުވެރިން މިސްރާއި ގަތަރާއި އެމެރިކާ ހަނގުރާމަ ހުއްޓާލުމުގެ އެއްބަސްވުމެއް ބްރޯކަރކޮށް، އަދިވެސް ޣައްޒާގައި ބަންދުކޮށްފައި ތިބި ސަހްޔޫނީންގެ ރަހީނުން ދޫކޮށްލުމަށް ކުރާ މަސައްކަތްތައް ކުރިއަށް ގެންދާ ދަނޑިވަޅެއްގަ އެވެ.
ހަމާސްގެ އިސް އޮފިޝަލަކު ހޮނިހިރު ދުވަހު ވިދާޅުވީ މެދުވެރިން ހުށަހެޅި ހަނގުރާމަ ހުއްޓާލުމުގެ އާ ހުށަހެޅުމެއް އެ ޖަމާއަތުން ފާސްކޮށްފައިވާ ކަމަށާއި އެކަމަށް ތާއީދު ކުރުމަށް ސަހްޔޫނީންނަށް އިލްތިމާސްކޮށްފައިވެއެވެ.
ސަހްޔޫނީންގެ ބޮޑުވަޒީރު ބެންޖަމިން ނަތަންޔާހޫގެ އޮފީހުން ވަނީ އެ ހުށަހެޅުން ލިބުނުކަން ކަށަވަރުކޮށްދީ، އެކަމަށް ރައްދުދީ ސަހްޔޫނީން ކައުންޓަރ ޕްރޮޕޯސަލެއް ހުށަހަޅާފައިވާ ކަމަށް ބުނެފައެވެ. ނަމަވެސް އެންމެ ފަހުގެ ތަފްސީލެއް އަދި ހާމައެއް ނުކުރެ އެވެ.
ފަލަސްތީނުގެ ރައްޔިތުންނާއި ދެކޮޅަށް ސަހްޔޫނީން ހިންގި އަސްކަރީ ކެމްޕޭނުގައި ޣައްޒާގައި 50،277 މީހުން ވަނީ ޝަހީދުވެފައެވެ.