

ރައީސް ޑރ މުހައްމަދު މުއިއްޒުގެ ސަރުކާރުން ދިވެހިންގެ ހެލްތު ސްކީމު، އާސަންދަ / އެންސްޕާ މިހާރު ވަނީ ކެމްޕެއިން ފަންޑަކަށް ބަދަލުކޮށްފައި ކަމަށް ރައްޔިތުންގެ މަޖިލީހުގެ ކުރީގެ މެމްބަރު އިބްރާހިު ރަޝީދު (ބޮންޑޭ) ވިދާޅުވެއްޖެއެވެ.
ބޮންޑެ މިފަދައިން ވިދާޅުވީ ރާއްޖެ ޓީވީ ޕްރޮގްރާމެއްގައި ވާހަކަ ދައްކަވަމުންނެވެ.
ބޮންޑޭ ވިދާޅުވީ އާސަންދަ ސްކީމްއަކީ ވަރަށް ބޮޑަށް ރަނގަޅު ކުރަންޖެހޭ ސްކީމެއް ނަމަވެސް މިހާރު އޮތް ގޮތުން އެ ސްކީމު އޮތީ ވަރަށް ބޮޑަށް އިސްރާފުވާ ގޮތަށް ކަމަށެވެ.
އެގޮތުން ބޭހަށް ބޮޑު ހޭދައެއް ކުރަންޖެހޭކަން ފާހަގަކުރައްވައި އޭނާ ވިދާޅުވީ އާސަންދަ ހިނގި ނަމަވެސް އެ ސްކީމުން ދައުލަތަށް ވާ ފައިދާއެއް ނުވަތަ ވަތްގަނޑަށް ވަންނަ އެއްޗެއް ނެތް ކަމަށެވެ.
މީގެ އިތުރުން ބޮންޑޭ ވަނީ އާސަންދަ އޮޑިޓްކޮށްފިނަމަ ގިނަ މައްސަލަތައް ތިލަވާނެ ކަމަށް ތުހުމަތުކޮށްފައެވެ.
ހަމަ އެހެންމެ ބޮންޑޭ ވަނީ މި މިސަރުކާރުގައި އާސަންދައަކީ ވޯޓު ހޯދުމަށް ބޭނުން ކުރާ ކެމްޕޭން ފަންޑަކަށް ބަދަލުކޮށްފައިވާ ކަމަށް ވިދާޅުވެ ސަރުކާރަށް ފާޑުވިދާޅުވުން އަމާޒުކުރައްވާފައެވެ. އަދި ވިދާޅުވީ ރާއްޖޭގެ އާބާދީއަށް ވުރެ ގިނަ މީހުން އާސަންދައިން ޚިދުމަތް ހޯދާފައިވާ ކަމަށާއި، މިއީ ވަރަށް ކަންބޮޑުވާ ބޮޑު މައްސަލައެއް ކަމަށެވެ.