"ހޮޅުދޫ ބޯޓު" ނަމަކަށް ކިޔާ ބޯޓެއްގައި ރޯވެ އަނދަމުންދާ ކަމުގެ މައުލޫމާތު ލިބިއްޖެއެވެ.

މި މައުލޫމާތު ހިއްސާކޮށްފައިވަނީ އެމްއެންޑީއެފުގެ މީޑިޔާއިންނެވެ. އެމްއެންޑީއެފުން ވަނީ "ހޮޅުދޫ ބޯޓު" ނަމަކަށް ކިޔާ މުދާ އުފުލާ ބޯޓެއްގައި ރޯވެގެން އުޅޭ ކަން ހާމަކޮށް، ވީޑިއޯއެއް ހިއްސާކޮށްފައެވެ. ވީޑިއޯއިން ފެންނަ ގޮތުގައި މުޅި ބޯޓުގައި ވަނީ އަލިާފން ރޯވެ އަނދަން ފަށާފައެވެ.

އެމްއެންޑީއެފުން ހާމަކުރި ގޮތުގައި އަލިފާން ނިއްވާލުމުގައި ހަރަކާތްތެރިވަމުން ދަނީ ކައްދޫ ފަޔާ ސްޓޭޝަނުންނެވެ.

ބޯޓު އޮތް ސަރަހައްދެއް ހާމަކޮށްފައިނުވާއިރު އަލިފާން ރޯވަމުންދާއިރު ބޯޓުގައި ތިބި މީހުންގެ އަދަދެއް، މީހަކަށް އަނިޔާވި ކަމެއް ވެސް އަދި ސާފެއް ނޫނެވެ. އަދި އަލިފާން ރޯވާން ދިމާވި ސަބަބެއްވެސް އަދި ސާފުވާ ގޮތް ވަނީ ނުވެފައެވެ.

އެމްއެންޑީއެފުން ހާމަކުރާ ގޮތުގައި އިތުރު މައުލޫމާތު ލިބުނު މިންވަރަކުން ހިއްސާކުރަމުން ދާނެއެވެ.

މަުއލޫމާތު ލިބިފައިވާ ގޮތުގައި މި ބޯޓަކީ ލ. އަތޮޅާ މާލެއާ ދޭތެރޭ ދަތުރުކުރާ ބޯތެކެވެ. ބޯޓުގައި ރޯވެފައިވަނީ މާލެއަށް ދަތުރުކުރަމުން ދަނިކޮށެވެ.