ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ގެ ބޯޑު މެންބަރުކަމުން މުޙައްމަދު ވަހީދު މިއަދު ވަކިކޮށްފި އެވެ.

ސަރުކާރުގެ ކުންފުނިތައް ބަލަހައްޓާ ޕްރައިވެޓައިޒޭޝަން އެންޑް ކޯޕަރައިޓައިޒޭޝަން ބޯޑް (ޕީސީބީ)ން މިއަދު ބުނީ އެޗްޑީސީގެ ބޯޑް މެންބަރުކަމުން ވަކިކޮށްފައި ވަނީ މުހައްމަދު ވަހީދު، ހއ. ފިއްލަދޫ،  މަބުސްތާނު ގެ، އެވެ.

އެޗްޑީސީގެ ޑިރެކްޓަރުންގެ ބޯޑުން މުހައްމަދު ވަހީދު ވަކިކުރި ސަބަބެއް ޕީސީބީ އިން ހާމައެއް ނުކުރެ އެވެ.

އޭނާއަކީ މީގެ ކުރިން ވެމްކޯގައި އިސް މަގާމެއް ފުރުއްވައިފައިވާ، އަދި ހައުސިން މިނިސްޓްރީގައި ވެސް މަސައްކަތްކޮށްފައިވާ ބޭފުޅެކެވެ.