ޕީޕަލްސް ނޭޝަނަލް ފްރަންޓް ޕީއެންއެފްގެ ޖަލްސާއެއްގެ ތެރެއިން ދެއްކި ވާހަކަަ އަކާއި ގުޅިގެން އެ ޕާޓީގައި އިސްކޮށް ހަރަކާތްތެރި ވަމުންގެންދާ އަހްމަދު މުހައްމަދު ވަހީދު ވައްޑެ ފުލުހަށް ހާޒިރު ކުރާ ކަން ހާމަވެއްޖެ އެވެ.

ވައްޑެގެ އިތުރުން ފްރަންޓް އޮފީސް ޖަލްސާގައި ދެއްކެވި ވާހަކަތަކާއި ގުޅިގެން ފީއެންއެފްގެ އިސް އިތުރު ފަރާތެއްވެސް ހާޒިރު ކުރާކަންވަނީ 13 އޮންލައިނަށް ކަށަވަރުވެފަ އެވެ.

އެކަމާއި ގުޅިގެން ޕީއެންއެފްގެ ސެކްރެޓަރީ ޖެނެރަލް މުހައްމަދު މަލީހު ޖަމާލް އެކަމާއި ނުރުހުން ފާޅު ކުރައްވާ އެކްސްގައި ޕޯސްޓެއް ކުރެއްވުމާއި ގުޅިގެންނެވެ.

ޕީއެންއެފްގެ ސިޔާސީ ޕޯޑިއަމްގައި ވާހަކަދައްކާ ފަރާތްތައް ފުލުހަށް ހާޒިރު ކުރުމަކީ ޑިމޮކްރަސީއާއި ޚިލާފު ލަދުވެތި އަމަލެއްގެ ގޮތުގައި މަލީހުވަނީ ސިފަކޮށްފަ އެވެ.

ފުލުހުންގެ އިދާރާއަކީ ރައީސް ޑރ މުހައްމަދު މުއިއްޒު ޗަރުކޭސް ކުޅުއްވަން އޮންނަ މުއައްސަސާ އެއް ނޫން ކަމާއި ސިޔާސީ ނުފޫޒުން ފުލުހުންގެ އިދާރާ އެކަހެރިވުމަށް މަލީހުވަނީ ގޮވާލައްވާފަ އެވެ.

އަދި ޕީއެންއެފްގެ އެއްވެސް ފަރާތެއް ފަހަތަށް ނުޖެއްސޭނެކަންވެސް އޭނާގެ ޕޯސްޓުގައި ފާހަގަ ކުރައްވާފައިވެ އެވެ.