މާލޭގައި ޒުވާނުން ސިލްސިލާކޮށް ބާއްވަމުންދާ މުޒާހަރާއިން ހައްޔަރުކުރި ދެ މީހުން ފުލުހުންގެ ބަންދުން ދޫކޮށްލައިފި އެވެ.
ފުލުހުން ހައްޔަރުކޮށްފައިވަނީ މުޒާހަރާގައި އިސްކޮށް ހަރަކާތްތެރިވި ދެ ޒުވާނުން ކަމަށްވާ މަޙްޒޫމް މާޖިދު (28އ) އާއި އާއިޝަތު ޝިމަން އަހުމަދު (19އ) އެވެ. އެ ދެ ޒުވާނުންގެ ބަންދަށް ކްރިމިނަލް ކޯޓުން އިއްޔެ ވަނީ ތިން ދުވަސް ޖަހާފަ އެވެ.
ނަމަވެސް އެ ދެ ޒުވާނުން މިރޭ ވަނީ ފުލުހުންގެ ބަންދުން ދޫކޮށްލާފަ އެވެ.
މިރޭ ޒުވާނުން މުޒާހަރާ ކުރަނީ ކާނިވާ ސަރަހައްދުގަ އެވެ. މި ހަރަކާތް ލީޑުކުރުމުގައި އުޅޭ މި ދެ ޒުވާނުން އައުމާއެކު އެތަނަށް އެއްވެ ތިބި ޒުވާނުން ވަނީ މަރުހަބާ ކިޔާފަ އެވެ.
މިއީ ޒުވާނުން މުޒާހަރާ ކުރަމުންދާތާ 11 ވަނަ ރެޔެވެ. އައިޝަތު ޝިމަން އަހުމަަދާއި އަބްދުﷲ މަހްޒޫމް މާޖިދު ފުލުހުންގެ ބަންދުން ދޫކޮށްލުމާއެކު މުޒާހަރާއާ ވަނީ ގުޅިފަ އެވެ.
މާލޭގައި ޒުވާނުންތަކެއް އިސްވެ ތިބެ ސިލްސިލާކޮށް މުޒާހަރާކުރަމުން ދަނީ މާލޭގައި މިދިޔަ މަހުގެ 18 ވަނަ ދުވަހުގެ ފަތިހު ވަގުތު އުސް އިމާރާތަކުން ވެއްޓުނު ޒުވާނަކަށް އިންސާފު ހޯދައިދިނުމަށް ގޮވާލަ އެވެ.
