ރައީސް އަބްދުﷲ ޔާމީން އަބްދުލްގައްޔޫމްގެ މައްސަލަ ބަލަން ނިންމުމަށްފަހު އެ މައްސަލަ އާއި ގުޅުން ހުރި ހުރިހާ މައްސަލަތައް ނުބަލަން ނިންމުމުން އެމަނިކުފާނުގެ އިސް ގާނޫނީ ވަކީލް ޑރ މުހައްމަދު ޖަމީލް އަހްމަދު ކަންބޮޑުވުން ފާޅު ކުރައްވައިފިއެވެ.

އެމަނިކުފާނު މިފަދައިން ކަންބޮޑުވުން ފާޅުކޮށްފައިވަނީ ޕީޕަލްސް ނޭޝަނަލް ފްރަންޓް ޕީއެންއެފްގެ ފްރަންޓް އޮފީސް ޖަލްސާގައި ވާހަކަ ދައްކަވަމުންނެވެ.

އަނިޔާ ލިބިގެންވާ މީހުންގެ ދުއާ މާތް ﷲ އިޖާބަ ދެއްވާނެކަމަށް ޑރ ޖަމީލް ފާހަގަ ކުރެއްވިއެވެ.

އެގޮތުން ރައީސް ޑރ މުހައްމަދު މުއިއްޒު ދަނީ ގިނަ ބަޔަކަށް އަނިޔާވެރިވަމުން ކަމާއި ވަކިން ހާއްސަކޮށް އެމަނިކުފާނުގެ އެންމެ ބޮޑު ވައުދު ރައީސް ޔާމީން މިނިވަން ކުރުމަށް ވީ ވައުދުގެ ވާހަކަ ފާހަގަ ކުރެއްވި އެވެ.

ނަމަވެސް ރައީސް ޔާމީންގެ މައްސަލަ އާއި ގުޅިފައި ހުރި އެހެން ފަރާތްތަކުގެ ހުރިހާ މައްސަލައެއް ނުބަލަން ނިންމިކަން ޑރ ޖަމީލް ފާހަގަ ކުރެއްވިއެވެ.

އަދި އެއީ އަނިޔާވެރިވުން ނޫންތޯ ޑރ ޖަމީލްވަނީ ސުވާލު އުފައްދަވާފައެވެ.