އިސްތިއުފާ ދެއްވާ ކައުސިލަރުންގެ މަޤާމަށް އަލުން މެންބަރުން އިންތިހާބު ކުރުމާމެދު ސަރުކާރުން ދެކޮޅުހެއްދެވުން، އެއީ ބަލައި ނުގަނެވޭނެ ކަމެއްކަމުގައި ކަނޑިތީމު ދާއިރާގެ މެންބަރު އަމީން ފައިސަލް ވިދާޅުވެއްޖެއެެވެ.
ލާމަރުކަޒީ އުސޫލުން ދިވެހިރާއްޖޭގެ އިދާރާތައް ހިންގުމުގެ ގާނޫނަށް ގެނެސް ފައިވާ އިސްލާހާއި ގުޅިގެން އަމީން ވިދާޅުވީ މިއީ ލާމަރުކަޒީ ގާނޫނަށް މިސަރުކާރުން 20 ވަނަ މަޖިލީހުގައި އިސްލާހު ގެންނަ ތިންވަނަ ފަހަރު ކަމަށެވެ.
މިސަރުކާރުން ހަރަދު ކުޑަކުރުމަށް އަޅާ ހަމައެކަނި ފިޔަވަޅީ ކައުންސިލަރުން އަަލުން އިންތިހާބު ނުކުރުން ކަމުގައި ފާހަގަކުރައްވާ އެބޭފުޅާ ވިދާޅުވީ، ކަނޑިތީމު ދާއިރާގައިވެސް ސަރުކާރުން އިހުމާލުވެފައިވާ ޕްރޮޖެކްޓް ތަކެއް ހުރި ކަމުގައެވެ. އެގޮތުން 95 ޕަސެންޓް ނިމިފައި ހުރި އިންޖީނުގެ، ރިލޮކޭޓް ކުރެވޭނެ ގޮތެއްވެސް މިސަރުކާރުން ހޯދައި ދީފައި ނުވާކަމަށެވެ.
ހަރަދުކުޑަކުރުމުގެ ނިޔަތުގައި ކައުންސިލަރުން އަަލުން އިންތިހާބު ނުކުރުމަށް ނިންމަވާއިރު ގިނައަދަދެއްގެ މީހުން ވަޒީފާތަކަށް ނަގަމުން ދާކަމާއި މެދު އެބޭފުޅާވަނީ ފާޑު ކިޔާފައެވެ.
