ބުޅާތަކަށް ހިޔާއެއް ހަދައިގެން އުޅޭއިރު އާސަންދަ އޮތީކޮން ހާލެއްގައިތޯ ބަލަން ޖެހޭ ކަމުގައި ޕީއެންއެފް ގެ ފައުންޑިން މެންބަރު ނޫރުﷲ ސައީދު ވިދާޅުވެއްޖެ އެވެ.

ޗެނަލް 13 އިން ކުރިއަށް ގެންދާ ނިއުސްޓޯކް ޕްރޮގުރާމުގައި ވާހަކަ ދައްކަވަމުން ނޫރު ވިދާޅުވީ، މިއަދު ދިވެހިރާއްޖޭގައި ވަޒީފާނެތިފައި ދެކޮޅު ނުޖެހޭ އެތައްބައެއް ތިބިއިރު ދިވެހިރާއްޖޭގެ އިޤްތިސާދު ވެސް ނެތްފަދައޭ ބުނުން ދޮގަކަށް ނުވާއިރު އަދިވެސް ރާއްޖޭގައި ބުޅާ ފެސިލިޓީސް ގާއިމް ކޮށްގެން ބުޅާތައް ބެލެހެއްޓުން މިސަރުކާރަށް މުހިންމު ކަމުގައި އެވެ.

ބުޅަލަކީ އޭގެ ޒާތުގައިވެސް އަމިއްލައްށް ޝިކާރަކޮށްގެން ކައިއުޅޭ އެއްޗެއް ކަމަށާއި އަޅުގަނޑުމެން އިންސާނުން އެޔަށް އަޅާ ނުލިޔަސް ސަވައިވް ކުރުމުގެ ޤާބިލިކަން ލިބިފައި ވާއެއްޗަކަށް ވާއިރު މިއަދު ސަރުކާރުން އިންސާނުންނަށް ވުރެ ބޮޑަށް ބުޅާއިސް ކޮށްފި ކަމުގައިވެސް ނޫރުވަނީ ވިދާޅުވެފައި އެވެ.

ޤައުމުގެ ލެވަލް ގައި އަޅުގަނޑުމްން ދައްކާވަރަށް ވުރެވެސް ދަށްފަންތީގެ މަސައްކަތް ތަކެއް ކަމުގައި ނޫރު ވަނީ ފާހަގަކުރައްވާފަ އިވެ.

މުއިއްޒުގެ ވެރިކަންގެނައީ ބުޅާ ބަލަހައްޓަން ނޫން ކަމަށާއި މުއިއްޒު އަށް ހަވާލުކުރީ ޤައުމުގެ އިޤްތިސާދު ރަނގަޅު ކުރުމަށް ކަމަށް ނޫރު ވިދާޅުވި އެވެ.