ނިމިދިޔަ ވެރިކަމުގެ 5 އަހަރުގައި ދުވާލެއްގެ މައްޗަށް 33 މިލިއަން ރުފިޔާގެ ދަރަނި އުފައްދައިފާވާކަން ހާމަވެއްޖެއެވެ.

ނިމިދިޔަ އިބްރާހިމް މުހައްމަދު ސޯލިހުގެ ސަރުކާރުގައި ދުވާލެއްގެ މައްޗަށް 33 މިލިއަށް ދަރަނި އުފައްދާ ދައުރުގެ ތެރޭގައި ދައުލަތުގެ ދަރަންޏަށް 60 ބިލިއަނަށްވުރެ ގިނަ ރުފިޔާގެ ދަރަނި އިތުރުވެފައިވާކަން ވަނީ ހާމަވެފައެވެ.

އެގޮތުން ސީދާ ދަރަނީގެ ގޮތުގައި 58.6 ބިލިއަން ރުފިޔާ ނަގާފައިވެއެވެ. އޭގެ ތެރެއިން 16.8 ބިލިއަން ރުފިޔާއަކީ ބޭރުގެ ދަރަންޏެވެ. އަދި 41.8 ބިލިއަން ރުފިޔާއަކީ އެތެރޭގެ ދަރަނި ކަން ވެސް ފާހަގަ ކުރެވެއެވެ.

މި މުއްދަތުގައި ރައީސް ސޯލިހުގެ ސަރުކާރުންވަނީ ދައުލަތުގެ ގެރެންޓީ ދީގެން 2 ބިލިއަނަށްވުރެ ގިނަ ރުފިޔާ ދަރަންޏަށް ނަގާފައެވެ. ފަސް އަހަރު ޖުމްލަ ނަގާފައިވާ ދަރަނީގެ އަދަދު 60.7 ބިލިއަން ރުފިޔާއަށް އަރައެވެ.

ރައީސް ސޯލިހުގެ ދައުރުގައި ދައުލަތުގެ ދަރަންޏަށް އިތުރުވެފައިވާ މިންވަރަކީ މީގެ ކުރިން ރާއްޖޭގައި ވެރިކަން ކުރެއްވި 4 ރައީސުންގެ ދައުރުގައި އެއްވެފައިވާ ޖުމްލަ ދަރަންޏާ ނުބައްދަލު އަދަދެއްކަން ވަނީ ފާހަގަ ކުރެވިފައެވެ.

ހަމައެކަނި ސަރުކާރުގެ ސީދާ ދަރަނީގެ ގޮތުގައި ރައީސް އިބްރާހީމުގެ ވެރިކަމުގައި އޭގެ ކުރީގެ ހަތަރު ރައީސުންގެ ވެރިކަމުގައި ދަރަންޏަށް އިތުރުވި މިންވަރަށްވުރެ އިތުރަށް 10 ބިލިއަން ރުފިޔާގެ ދަރަނި އުފައްދާފައިވާކަންވެސް ފާހަގަ ކުރެވެއެވެ.