1446 ވަނަ އަހަރުގެ އަޟްހާ އީދު ފޯރި ޓީމް 13ގެ ކަވަރޭޖު ރާއްޖޭގެ އެންމެ ބޮޑު އެއް ސިޓީ ކަމަށްވާ ކުޅުދުއްފުސީ ސިޓީއިން ގެެނެސްދިނުމަށް ހަމަ ޖެހިއްޖެއެވެ.

އީދުގެ ހަރަކާތްތައް ލައިވްކޮށް ކުޅުދުއްފުށި ސިޓީއިން ގެނެސްދިނުމުގެ ފަހުމު ނާމާއެއްގައި މިހާރު ވަނީ އެ ސިޓީގެ ކައުންސިލްއާ އަދި ޓީމު 13 އާ ދެމެދު ވެފައެވެ.

ކުޅުދުއްފުށި ބޮޑު އީދު މުއްސަދި ސަގާފަތް ދައްކުވައިދޭ ހަރަކާތްތަކާ އެކު ޢީދުގެ އެންމެ ޚާއްސަ އެއް ހަަރަކާތް އީދު މަޅިން ފެށިގެން ކަވަރ ކުރުމަށް ވަނީ ހަމަޖެހިފައެވެ. އެހެން އަހަރު ތަކެކޭ ވެސް އެއް ފަދައިން ކުޅުދުއްފުށީގައި ކުލަ ގަދަ އީދުގެ ހަރަކާތްތައް ގެންދާނެ ކަމަށް އެ ސިޓީގެ ކައުންސިލުން މައުލޫމާތު ދީފައިވެއެވެ.

އެގޮތުން އީދު މާލި، އީދު އޮނުބަޑި ޖެހުން، ބަންދު ދުއްވުން، ރާނީ ހިނގުން، ނަމުރު، މަށި މާލި ޕެރޭޑު، އަންހެނުންގެ ކޯޑި، ހިއްޗަށް ވަޑައިގަތުން، ދަމު ހިނގުން، ދަފި ނެގުން ފަދަ ސަގާފީ އެތައް ކުޅިވަރެއް މި ފަހަރުގެ އީދު ފޯރިގެ ތެެރެއިން ފެނިގެން ދާނެ ކަމަށް ކުޅުދުއްފުށި ސިޓީ ކައުންސިލުން މައުލޫމާތު ދީފައިވެއެވެ.

ޖޫން މަހުގެ 5 ވަނަ ދުވަހުން ފެށިގެން ޖޫން މަހުގެ 9 ވަނަ ދުވަހުގެ ނިޔަލަށް ކުޅިވަރުތައް ވަގުތުން ޗެނަލް13 އިން ދުރަށް ދައްކަމުން ގެންދާނެއެވެ. އީދުގެ ހަރަކާތްތައް ވަގުތުން ގެނެސްދިނުމަށް ޓީމު 13ގެ ކުރޫއެއް ކުޅުދުއްފުށީގައި ހަރަކާތްތެރިވާނެއެވެ.

ކުޅުދުއްފުއްޓަކީ އަބަދުވެސް އީދުގެ ހަރަކާތްތައް ފޯރިއާ އެކު ތަފާތުކޮށް ގެނެސްދޭ ރަށެކެވެ.