ކުޅުދުފުށި ސިޓީ ގައި އިއްޔެ ވަނީ މަށިމާލި ޕެރޭޑެއް ބާއްވާފަ އެވެ.
މިއަހަރުގެ އަޟްހާ އީދު ކުޅުދުފުށީގައި ދަނީ ވަރަށް ކުލަގަދަކޮށް ފާހަގަ ކުރަމުންނެވެ. އޭގެ ތެރެއިން އެންމެ ތަފާތު އަދި އެންމެ ޝައުގުވެރި ކުޅިވަރެއް ގޮތުގައި ފާހަގަ ކުރެވުނީ އިއްޔެ ހަވީރު ބޭއްވި މަށިމާލި ޕެރޭޑެވެ.
މިޕެރޭޑުން ފެނިފައިވަނީ، މިސަރުކާރާއި މެދު ރައްޔިތުންގެ ހިތުގައިވާ ނުރުހުން ކަން ފާހަނގަ ކުރެވެއެވެ.
ރައީސް ޑރ.މުއިއްޒު ވެރިކަމުގެ ދަހިވެތިކަމުގައި ވެފައިވާ ނުފުއްދޭ ވައުދުތަކާއި، ބަންކަރިން ޕްރޮޖެކްޓާއި ނޫސްވެރިން ގެ އަގުބޮޑު ވަގުތު ނަގާލާ ބޭއްވި ސާދަ ގަޑި އިރުގެ، ނިއުސް ކޮންފަރެންސާއި ގުޅޭ މާލިތައްވެސް ވަނީ ފެނިފައެވެ. އަދި މީގެއިތުރުން ވެސް ތަފާތު އެތަކެއް މާލިތައް ވަނީ ދައްކާލާފައެވެ.
ސަރުކާރާއި މެދު ރައްޔިތުންގެ ހިތުގައި އޮތް ޝަކުވާ މި ޕެރޭޑުން ފެނިގެންދެއެވެ.
ޕެރޭޑް ބަލައިލުމަށް ރަށުގެ ގިނަބަޔަކު އެއްވެފަ ވާކަން ފާހަގަކޮށްލެވެއެވެ.
