ގެރިގުއި ބޭނުން ކޮށްގެން އިންޑިއާ މީހުން ދަތްއުގުޅާ ބޭސް އަދި ޝޭމްޕޫ އުފައްދައިފި އެވެ.
އިންޑިއާގެ ނޫސްތަކުން ރިޕޯޓް ކުރާ ގޮތުގައި އިންޑިއާގެ ރިސާޗަރުން ބޭނުންކޮށްގެން ގެރިގުއިން އުފެއްދިދާނެ ބާއްވަތްތައް އަންނީ ހޯދަމުން ނެވެ.
އެގޮތުން ގެރިގުއިން ދަތް އުގުޅާ ބޭހާއި ޝޭމްޕޫ އުފެއްދިދާނެ ކަމަށް ސައިންވެރިން ބުނެފައިވާ ކަމަށެވެ.
މީގެއިތުރުން ބަލިތަކުން ދިފާއުވުމާއި ދިފާއީ ނިޒާމްގެ ބަލިތަކާއި ކިޑްނީ ބަލިތަކާއި އެސްމާއާއި އަދި ކެސްސަރަށް ވެސް ގެރިގުއިން ފަރުވާ ހޯދިފައިވާ ކަމަށް ސަރުކާރަށް މިހާރު ލިބިފައިވާ ޕްރޮޕޯސަލްތަކުން ސާފުވާ ކަމަށެވެ.
އިންޑިއާގެ ނޫސްތަކުން ބުނީ މިދެންނެވި ބަލިތަކަށް ބޭނުންކުރާ "ގުއި/ގޮރު" ހޯދަނީ ވަކިހާއްސަ ގެރިތަކަކުންކަމަށާއި އަދި މިފަދަ ގެރި ހުރީ ވެސް ދުނިޔެއިން އިންޑިއާގައި ކަމަށެވެ. ނަމަވެސް އެއީ ކޮންބާވަތެއްގެ ގެރިއެއް ކަމެއް އެމީހުން ބުނެފައެއް ނުވެ އެވެ.
އިންޑިއާގެ ނޫހުން އިތުރަށް ބުނީ ގެރި ގުއިގެ އުފެއްދުންތަކުން ތިމާވެއްޓާއި ރައްޓެހި ގޭތެރޭގައި ބޭނުން ކުރާ ފްލޯކްލީން ވެސް އުފައްދާނެ ކަމަށާއި މިކަމުގެ ރިސާޗް ކަރުދާސް އިތުރަށް ދިރާސާކުރުމަށް ސަރުކާރުން ބާރު އަޅާކަމަށެވެ.
