އައްޝެއިހް އިބްރާހިމް ފަރީދު އަހްމަދު މައްޗަށް ރާއްޖޭގައި ގައިބުގައި ކަށު ނަމާދުކޮށްފިއެވެ.

މިއަދުގެ ހުކުރު ނަމާދަށްފަހު ހުކުރު ކުރި ރާއްޖޭގެ ހުރިހާ މިސްކިތެއްގައި ކަށު ނަމާދު ވަނީ ކޮށްފައެވެ.

މިދިޔަ ހޯމަދުވަހުގެ ހަވީރުގެ ވަގުތެއްގައި ޝެއިހް ފަރީދު އަވަހާރަވީ މެލޭޝިއާގައި އޮތް ބައްދަލުވުމުކަަށް  އެގައުމަށް ވަޑައިގެން އެއާޕޯޓަށް ފަބައިވަޑައިގެންތާ މާ ގިނައިރުތަކެއް ނުވަނީހެވެ.

ޝެއިހް ފަރީދުގެ މައްޗަށް ރާއްޖޭގައި މީހުން ދިރިއުޅޭ ހުރިހާ ރަށެއްގައި މިއަދު ވަނީ ކަށު ނަމާދުކޮށްފައެވެ.

ޝެއިހް ފަރީދުގެ ޖަނާޒާ ބުދަ ވަނީ މެލޭޝިޔާގައި ބާއްވާފައެވެ. މި ޖަނާޒާގައި ގިނަ އަދަދެއްގެ ދިވެހިން ވަނީ ބައިވެރިވެފައެވެ.

ޝެއިހް ފަރީދު އަވަހާރަވުމާ އެކު އޭނާ އިސްކޮށް ހުންނަވައިގެން ހިންގަވާ ހިދުމަތް ޖަމިއްޔާއިން ފަރީދުގެ ނަމުގައި ބަންގްލަދޭޝްގައި މިސްކިތެއް ހުޅުވަންވަނީ ނިންމާފައެވެ.

އަދި އެ މިސްކިތް އެޅުމަށް ބޭނުންވާ ވަރަށް ފައިސާވެސް ވަނީ ކުޑަ ވަގުތު ކޮޅެއްގެ ތެރޭގައި އާންމުންގެ އެހީގައި  އެއްކޮށްފަ އެވެ.