Youth Citygai Beyvi BBQ farikolhaky PNFge Atholhu There Aai Male In Beyruge Harakaaiythakuge Feshun: Maleeh

ރައީސް އަބްދުﷲ ޔާމީން އަބްދުލްގައްޔޫމާއި އެކު ހުޅުމާލެ ޔޫތު ސިޓީގައި ބޭއްވި ބާބަކިއު ފަރިއްކޮޅަކީ ޕީޕަލްސް ނޭޝަނަލް ފްރަންޓު ޕީއެންއެފްގެ އަތޮޅު ތެރެއާއި މާލެއިން ބޭރުގެ ހަރަކާތްތަކުގެ ފެށުންކަމަށް އެ ޕާޓީގެ ސެކްރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެ އެވެ.

މަލީހު މިފަދައިން ވިދާޅުވެފައިވަނީ އެ ހަރަކާތް ކުރިއަށްދިޔަ ގަޑީ ޗެނަލް 13 އަށް ދިން ހާއްސަ ބަސްދީގަތުމެއްގެ ތެރެއިންނެވެ.

ސިޔާސީ ހުރިހާ ބޭފުޅުން ތިއްބެވީ ފިއްލަވާކަމަށް ވިދާޅުވެފަ އެވެ.

ރައްޔިތުން އުޅެނީ ވަރަށް ދަތި ހާލުގައިކަމާއި މިއަދު ރައްޔިތުންގެ ހައްގުގައި ހަމައެކަނި މަސައްކަތް ކުރައްވާ ލީޑަރަކީ ރައީސް ޔާމީން އެކަނިކަމަށް މަލިހު ވިދާޅުވިއެވެ.

ގައުމީ ކަންކަމުގައި އަޑު އުފުލަން ވީ. އަޅުގަނޑުމެންގެ ޕާޓީން ހަފްތާ އަކު 2 ފަހަރު ޖަލްސާ ބާއްވަން. ޖަލްސާއަށް ވަޑައިގެންނެވޭ ބޭފުޅުން ޖަލްސާއަށްވެސް ވަޑައިގަންނަވަން ވީ. މިއީ މާލެ ތެރެއިންނާއި އަތޮޅު ތެރޭގެ އެކްޓިވިޓީސްގެ ފެށުން.

- މަލީހް

އެ އިވެންޓަކީ ރައީސް ޔާމީނަށް ތާއީދު ކުރައްވާ ރައްޔިތުންތަކެއް އިންތިޒާމުކޮށްގެން ހިންގި ހަރަކާތެއްކަމަށް މަލީހު ފާހަގަ ކުރެއްވި އެވެ.

އަދި ހަމަ އެފަދައިން ރައީސް ޔާމީނަށް ތާއިދު ކުރައްވާ ބޭފުޅުން އެފަދަ ހަރަކާތްތައް އިންތިޒާމު ކުރުމަށްފަހު ރައީސް ޔާމީނަށް ދައުވަތު އެރުވުމުން އެ ރަށަކަށް ނުވަތަ ތަނަކަށް ދާނެ ވާހަކަވެސް މަލީހު ފާހަގަ ކުރެއްވިއެވެ.