މިސަރުކާރަށް އެންމެ އުނދަގޫ ވާ އެއް ކަމަކީ މިސަރުކާރު ޖަވާބުދާރީ ކުރުވަން ކުރާ މަސައްކަތް ކަމުގައި ރައީސް އަބްދުﷲ ޔާމީން އަބްދުލް ޤައްޔޫމް ވިދާޅުވެއްޖެއެވެ.

ޕީއެންއެފް ފޮރޮންޓު އޮފީސް ޖަލްސާގައި ވާހަކަފުޅު ދައްކަވަމުން އެމަނިކުފާނު ވިދާޅުވީ، ނޫސްވެރިން އަދި ރައްޔިތުން، މިސަރުކާރު ހިނގަމުން ދާ ގޮތާއި އަދި ސަރުކާރުގެ އިހުމާލުތަކާއި މެދު ސުވާލު އުފެެއްދި ނަމަވެސް އެ ސުވާލު ތަކަށް މި ސަރުކާރުން ޖަވާބުދާރީ ނުވާ ކަމުގައިއެވެ.

ޤާނޫނުގައި ބުނެފައިވާ އުސޫލުގެ ދަށުން މައުލޫމާތު ސާފު ކުރުމަށް އެދެވެން އޮތީ އިންފޮމޭޝަން ކޮމިޝަނަށް ކަމުގައި ވީއިރު، މިހާރު މި ދިވެހިރާއްޖޭގައި އިންފޮމޭޝަން ކޮމިޝަނަރުގެ އޮފީހެއްވެސް ނެތް ކަމުގައި އެމަނިކުފާނު ވަނީ ވިދާޅުވެފައެވެ.

އިންފޮމޭޝަން ކޮމިޝަނުގެ އޮފީސް ބާވެ މީހުންއުޅެވޭނެ ހާލަތައްވުރެ ތަނުގެ ހާލަތު ގޯސް ވެފައި ވީއިރު އިތުރު އޮފީހެއް ސަރުކާރުން އެ ކޮމިޝަނަށް ނުދިނުމާއި ގުޅިގެން 20 މެއި 2025 އިން ފެށިގެން އެކޮމިޝަނުގެ މަސައްކަތް ކުރިޔާތް ދަނީ އޮންލައިން ކޮށެވެ.

އިންފޮމޭޝަން ކޮމިޝަނަށް، އޮފީހެއް ހަމަނުޖައްސަނީ، ސަރަުކާރުން ޖަވާބުދާރީ ވާން ބޭނުން ނުވާތީ އެކަމަށް ރައްޔިތުން ނަށް މަގުފައި ވެދާނެތީ ކަމުގައި ރައީސް ޔާމީން ވިދާޅުވިއެވެ.

ގްރީން ބިލްޑިން އަންދާލީ އަންދާލަން ޖެހިގެން ގަސްތުގައި ކަންތައްތަކެއް ސިއްރުކުރުމަށް ކަމުގައި އެމަނިކުފާނު ވިދާޅުވިއެވެ. ގްރީންބިލްޑިން އަށްފަހު ހައުސިން މިނިސްޓްރީގެ މަސްކަތް ކުރަން ދަރުބާރުގެއަށް ބަދަލުވެފައި ވާއިރު، އެތަން ވެސް ވެފައި މިވަނީ ކަތުރު ފަނި އަޅާފައިވާ ތަނަކަށެވެ.

ބެލެވޭ ގޮތުގައި މި ސަރުކާރުގެ މަޤުސަދަކީ ރައްޔިތުން ނަށް އެތައްކަމެއް އޮޅުވާލައި، ނުދެވިގެން އުޅޭ ފްލެޓް ގެ މައްސަލަވެސް ބޭނުން ގޮތަކަށް ނިންމާލަން ކަމުގައި އެމަނިކުފާނު ވިދާޅުވިއެވެ.