ފީބާ 16 އަހަރުން ދަށުގެ އޭޝިއާ ކަޕް ކޮލިފައިންގައި ރާއްޖޭގެ އަންހެން ޓީމުން ލޯ މެޑެލް ހޯދައިފިއެވެ.
މިއަދު މެންދުރު ޒުވާނުންގެ މަރުކަޒުގައި ކުޅުނު ތިންވަނަ ހޮވާ މެޗުގައި ރާއްޖެއިން ބަނގްލަދޭޝް ބަލިކުރީ 86-22 ޕޮއިންޓުންނެވެ.
މި މެޗުގެ ފުރަތަމަ ކުއާޓާގައި ރާއްޖޭން 23 ޕޮއިންޓް ހޯދި އިރު ބަންގްލަދޭޝްއަށް އެއްވެސް ޕޮއިންޓެއް ނުލިބެއެވެ.
ދެވަނަ ކުއާޓާގައި ރާއްޖެއަށް 38 ޕޮއިންޓް ލިބުނުއިރު ބަނގްލަދޭޝްއަށް ލިބުނީ އެންމެ ޕޮއިންޓެކެވެ.
ތިންވަނަ ކުއާޓާގައި ރާއްޖެއިން 56 ޕޮއިންޓް ހޯދިއިރު ބަނގްލަދޭޝްއަށް ލިބުނީ 9 ޕޮއިންޓެވެ.
ހަތަރުވަނަ ކުއާޓާ ނިންމާލީ 88-22 ޕޮއިންޓުންނެވެ.
ރާއްޖޭން އެންމެ ރަނގަޅަށް ކުޅުނީ 30 ޕޮއިންޓް ހޯދައިދިން މަރިޔަމް ކައިލީން ޝިރުހާންއެވެ.
ފީބާ 16 އަހަރުންދަށުގެ އޭޝިއަން ކަޕް ކޮލިފައިންގެ ފިރިހެން ޑިވިޝަނުގައި ރާއްޖެ އަތުން ހޯދި މޮޅާއެކު ބަންގްލަދޭޝަށް މުބާރާތުގެ ލޯ މެޑަލް ލިބުނު ފާހަގަކޮށްލެވެއެވެ.
