ﷲގެ ރަހުމަތުން ދެން ފުރުސަތު ލިބުނަސް އެންމެ އިސްކަމެއް ދޭނީ ހަމަ ބޯހިޔާވަހިކަން ކަށަވަރުކޮށްދިނުމަށް ކަމުގައި ރައީސް އަބްދުﷲ ޔާމީން އަބްދުލް ޤައްޔޫމް ވިދާޅުވެއްޖެއެވެ.

އެމަނިކުފާނު މިހެން ވިދާޅުވެފައި ވަނީ ބުރާސްފަތި ދުވަހުގެރޭ ޕީއެންއެފް ފްރޮންޓް އޮފީހުގައި ކުރިއަށް ގެންދިޔަ ޖަލްސާގައި ވާހަކަފުޅު ދައްކަވަ މުންނެވެ.

ދިވެހި ރައްޔިތުންނަށް މިވަގުުތު ދިމާވެފައި ވާ އެންމެ ދަތި އަދި ރައްޔިތުން މިއަދާހަމައަށް ވެސް އެންމެ ބޮޑަށް އެދެމުން ދާ އެއްކަމަކީ ބޯހިޔާވަހިކަން ކަމުގައި ރައީސް ޔާމީން ވިދާޅުވެފައިވެއެވެ.

އެމްޑީޕީ ސަރުކާރުންނާއި މި ސަރުކާރުން ބޭނުން ވާ ބަޔަކަށް ހުޅުމާލެއިން ބަހާ ފޮތި ފޮތި ކުރަމުން އެދަނީ ދައްޔިތުން ގެ ބޯހިޔާވަހި ކަމަށް ހައްލެއް ހޯދުމަށް ހިއްކައިފައި ވާ ބިން ކަމަގައި އެމަނިކުފާނު ވިދާޅުވެފައި ވެއެވެ.

މިގައުމުގައި އޮތީ ސިޔާސީ ވާދަވެރި ކަން ކަމަށާއި ވެރީންގެ މަގުސަދަކީ ރައްޔިރުންގެ ހައްގުގައި ކަންތައް ތަކެއް ކޮއްދިނުން ނޫން ކަމަށް ރަޢިސް ޔާމީން ވިދާޅުވިއެވެ.

އެމްޑީޕީ ވެރިކަމަށް އައި ދެ ފަހަރުވެސް ރައްޔިތުންނަށް ކަންތައްތަކެއް ކޮށްދިނުމުގެ ބަދަލުގައި ރައްޔިތުންގެ ބިމާއި ރައްޔިތުންގެ މުދާ ވިއްކާލީ ކަމުގައި އެމަނިކުފާނު ވިދާޅުވިއެވެ.