އިސްރާއީލުން ވެރިވެގެންފައިވާ ފަލަސްތީނުގެ އުތުރުގެ ހައިފާ ސިޓީގައި ގާއިމްކޮށްފައިވާ ހައިފާ ޕޯޓަށް އިރާގުގެ ވަރުގަދަ ހަމަލާތަކެއް އަމާޒުކޮށްފިއެވެ.

ސޯޝަލް މީޑިޔާގައި ދައުރުވަމުންދާ ވީޑިޔޯތަކުން ފެންނަ ގޮތުގައި، އިރާގުންވަނީ ބާރުގަދަ ގޮވާތަކެތީގެ އެތައް ހަމަލާއެއް ހައިފާގެ ޕޯޓަށް އަމާޒުކޮށް ފޮނުވާލާފައެވެ. އަދި އެ ހަމަލާތައް ޕޯޓުގެ އެކި ހިސާބުތަކަށް އަމާޒުވެ ރޯވެ އަނދަމުންދާ މަންޒަރު ފެނެއެވެ.

ޒަޔަނިސްޓުންގެ މީޑީޔާއިން ހާމަކޮށްފައިވާ ގޮތުގައި، ހައިފާގެ އިންޑަސްޓްރިއަލް ސަރަހައްދުގައި ވަނީ ބޮޑު އަލިފާން ގަނޑެއް ރޯވެ ބާރުގަދަ ގޮވުންތައް ގޮވަން ފަށާފައެވެ. މަންޒަރުތަކުން ފެންނަ ގޮތުގައި މުޅި ސަރަހައްދު ވަނީ ބޯ ދުމުން ފުރިފައެވެ.

އިރާގުން ދަނީ އިޒްރޭލްގެ މިސައިލްތަކުން ދިފާއުވާ ނިޒާމް ފޫއަޅުވާލައި ފަލަސްތީނުގެ ހިފާފައިވާ ބިންތަކަށް ހަމަލާތައް މެދުކެނޑުމެއް ނެތި އަމާޒުކުރަމުންނެވެ.