ޖެމްކިއު ފަދަ ސްކީމްތަކަށް ގިނަ ޒުވާނުން ތަކެއް ބަރޯސާ ވެވެނީ ދިވެހި ރާއްޖޭގައި މިވަގުތު ވަޒީފާގެ ދަތިކަން އޮތުމުން ކަމުގައި ރައީސް އަބްދުﷲ ޔާމީން އަބްދުލް ޤައްޔޫމް ވިދާޅުވެއްޖެއެވެ.
އެމަނިކުފާނު މިހެން ވިދާޅުވެފައި ވަނީ ޕީއެންފެފް ފްރޮންޓް އޮފީހުގައި ކުރިޔަށް ގެންދިޔަ ޖަލްސާގައި ވާހަކަފުޅު ދައްކަވަމުން ނެވެ.
ކިތަންމެ ރަނގަޅު ސަނަދު ތަކެއް ހާސިލްކޮށްފައި ވީނަމަވެސް ރާއްޖޭގައި ޒުވާނުންނަށް ހުރި ވަޒީފާގެ ފުރުސަތު ތައް ހަނި ކަމުގައި ފާހަގަކުރެ ވެއެވެ.
ދިރިއުޅުމުގެ ހަރަދު ބޮޑުވެފައިވާ މި ޒަމާނުގައި ޖެމްކިއު ފަދަ ސްކީމްތަކުގެ ޝިކާރައަކަށް ޒުވާނުން ވަމުންދަނީ އާމްދަނީ ހޯދާނެ އިތުރު ގޮތެއް ނެތުމުން ކަމުގައި އެމަނިކުފާނު ވިދާޅުވެފައި ވެއެވެ.
މަންމަ އުގުގައި އޮންނަ ފައްޓަރުބައި ވެސް ވިއްކާލައިފަ ކުރަން ބޭނުންވާ ކަމެއް ކުރާނެ. އެޔައް އެދަނީ ޒުވާނުންގެ މާޔޫސް ކަން އޮތީމަ ވަޒީފާ ލިބޭނެ ގޮތެއް ނެތި އެހެން ކަމެއް ކުރެވޭނެ ގޮތެއް ނެތި، ދި އޮންލީ އަލްޓަނޭޓިވް އަކީ، ބާކީ ދެން ކުރެވެން އޮތް ކަމަކީ މިއީ ކަމަށް ވާތީ އުންމީދު ތަކެއް އެޓޭޗް ކުރެވެނީ
ރައީސް ޔާމީން
ގިނައަދަދެއްގެ ޒުވާނުން މިފަދަ އަވައިގެ ޝިކާރައަކަށް ވަމުން ދަނީ ލިބޭ އާމްދަނީ އަށްވުރެ ލިވިންގް އެކްސްޕެންސް ބޮޑުވުމާއި ގުޅިގެން ކަމަށް އެމަނިކުފާނު ފާހަގަ ކޮށްފައި ވެއެވެ.
މިފަދަ ސްކީމްތަކާއި، ކަސީނޯގައި އެކުރާ ގެމްބަލް ކުރުމުގައި އޮންނަނީ ގާތް ގަޑަކަށް އެއް ޕްރިންސިޕަލް އެކް ކަމަށާއި މިކަންކަމަކީ ދީނުގައި މަނާ ކޮއްފައިވާ ކަންކަން ކަމުގައި އެމަނިކުފާނު ފާހަގަކުރައްވާފައި ވެއެވެ.
މިފަދަ މަގުތައް އިހުތިޔާރު ކުރަން ޖެހެނީ މީހުން ޑެސްޕަރޭޓަން އައް ގޮސް ލާރިލިބޭނެ ގޮތް ނެތިގެން ކަމުގައި ރައީސް ޔާމީން ވިދާޅު ވިއެވެ.
