ދުނިޔޭގައި ހިނގަމުންމިދާ އިރާގު-އިޒްރޭލު ހަނގުރާމައިގެ އަސަރު ދިވެހިރާއްޖެއަށް ކޮށްފާނެ ކަމަށާ އެކަމުގައި އޮތް އެންމެ ކަންބޮޑުވުމަކީ އެކަން ހައްލުކޮށް މެނޭޖު ކުރާނެ ގާބިލު ބަޔަކު ސަރުކާރުގައި ނެތްކަން ކަމުގައި ކުރީގެ ނައިބު ރައީސް ޑރ. މުހައްމަދު ޖަމީލު އަހުމަދު ވިދާޅުވެއްޖެއެވެ.
ސަރުކާރުގެ އެކި އެކި ވަޒީރުންގެ ފެއިލިޔަރ ދައްކައިދޭ ސުރުހީތަކެއް ހިއްސާކުރައްވާ ޑރ ޖަމީލު އެކްސްގައި ކުރެއްވި ޕޯސްޓެއްގައި ވިދާޅުވީ، ދުނިޔެ، ބޮޑު ހަނގުރާމައެއްގެ ތެރެއަށް ވަންނައިރު އިގްތިސާދީ ގޮތުން ނުރައްކާތެރި ހާލަތަކާއި ކުރިމަތި ލާން ޖެހިދާނެ ކަމަށް ގަބޫލުކުރަން ވާނެ ކަމަށެވެ.
ރާއްޖޭގައި ދަރަނި މިހާ ބޮޑުވެފައި ވާއިރު، އާމްދަނީ އިތުރު ކުރެވޭނެ އެއްވެސް ކަހަލަ މަޝްރޫއެއް ޤައުމުގައި ނުހިގާ ކަމުގައި ވެސް މި ޕޯސްޓް ގައި ފާހަގަކުރައްވާ ޑރ ޖަީލު ވަނީ، ކޮވިޑްއަށް ފަހު ރާއްޖޭގެ އިގްތިސޯދީ ހާލަތު މިހާ އަޑި އަޅާފައި އޮތްއިރު، ރައްޔިތުން ވަނީ އިހުސާސުކުރަން ދަތި ތަދުމަޑު ކަމަކާއި ކުރިމަތި ލާފައި ކަންް ވެސް ފާހަގަކުރައްވާފައެވެ.
އެހެން ކަމުން އިރާނާއި ސަހްޔޫނީން އާއި ދެމެދު މިހާރު ހިނގަމުން މިދާ ހަމަނުޖެހުމުގެ އަސަަރު އިގްތިސޯދީ ގޮތުން ދިވެހިރާއްޖެ ކޮށްފާނެ ކަމާމެދު ތައްޔާރު ވާން ޖެހޭނެ ކަމަށް ޑރ ޖަމީލް ވިދާޅު ވެފައި ވެއެވެ.
މިކަމުގައި ޑރ ޖަމީލުގެ ކަންބޮޑުުވުމެއްގެ ގޮތުގައި ފާހަގަކުރައްވާފައި ވަނީ ރައީސް މުއިއްޒުގެ މިސަރުކާރުގައި މިފަދަ ހާލަތަކަށް ކުރިމަތި ލެވޭނެ ފަދަ ގާބިލު ޓީމެއް ނެތުމެވެ. ޑރ ޖަމީލު ވިދާޅުވެފައިވަނީ އެއީ މި ހާލަތުގައި ދިވެހިންނަށް އޮތް އެންމެ ބޮޑު ގޮންޖެހުން ކަމުގައެވެ.
