މުދަލު ޒަކާތުގެ ގޮތުގައި ލިބުނު ފައިސާ ބަހައި، ކޮންމެ ފަގީރަކަށް 5،000 ރުފިޔާ ދޫކޮށްފައިވާ ކަމަށް އިސްލާމިކް މިނިސްޓްރީން ބުނެފި އެވެ.
މުދަލު ޒަކާތުގެ ގޮތުގައި މީހަކަށް 5000ރ. ބެހިއިރު، މިއީ މިދިޔަ އަހަރާ އަޅާބަލާއިރު މަތީ އަދަދެކެވެ. މިދިޔަ އަހަރު ބޮލަކަށް ޖެހުނީ 4000ރ. އެވެ.
ފިތުރު ޒަކާތުގެ ފައިސާގެ ގޮތުގައި 13.2 މިލިއަން ރުފިޔާ ވަނީ ލިބިފަ އެވެ. މިއީ މިހާތަނަށް އެންމެ ގިނައިން ޒަކާތް ލިބުނު ފަހަރު ވެސްމެ އެވެ.
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން، މި އަހަރު ފިތުރު ޒަކާތް ބަހަން މިނިސްޓްރީން ވަނީ މިދިޔަ މާޗް މަހު ނިންމައިފަ އެވެ. އެއީ އިޖުތިމާއީ އަދާލަތު ގާއިމްކުރަން ނިންމި ނިންމުމެއް ކަމަށް އިސްލާމިކް މިނިސްޓްރީން ވަނީ ބުނެފަ އެވެ.
