ޕީއެންސީއަށް ކައުންސިލް ގޮނޑިއެއް ހޯދަން އެޕާޓީގެ އިސްވެރިން ތިބީ ނާގާބިލުވެފައި ކަމުގައި ރައީސް އަބްދުﷲ ޔާމީން އަބްދުލް ޤައްޔޫމް ވިދާޅުވެއްޖެއެވެ.
ފީއެންއެފްގެ ފްރޮންޓް އޮފީހުގައި ކުރިޔަށް ގެންދިޔަ ޖަލްސާގައި ވާހަަކަފުޅު ދައްކަވަމުން އެމަނިކުފާނު ވިދާޅުވީ، ސަރުކާރު ހިންގާ ޕާޓީ ޕީއެންސީ އަލުން ނަގައި ކޮޅަށް ޖަހައިގެން، މިއީ ޝަރަފެއް ކަމުގައި ދެކިގެން ކައުންސިލް ގޮނޑިއެއް ޕާޓީއަށް ހޯދައިދޭން ޕާޓީގެ އިސްކޮށް އުޅުއްވާ ބޭފުޅުން ތިބީ ނާގާބިލުވެފައި ކަމުގައެވެ.
އެ ޕާޓީއިން ވެރިކަމަށް އައުމަށާއި އަދި މަޖިލީސް ގޮޑި ތަކެއް ހޯދުމަށް ހަދައިފައިވާ ދޮގުތަކާއި ނުފުއްދުނު ވައުދުތައް ގިނަކަމުން ކަމުގައި އެމަނިކުފާނު ވިދާޅު ވިއެވެ.
މިގޮތަށް އިސްކޮށް އުޅުނު މީހުން ގޮއްސަ ރައްޔިތުންނަށް ވިއްކޭނެ އެއްޗެއް އެބައޮތް ތޯ އެއީ އެމީހުން ގޮއްސަ ރިޔާސީ އިންތިހާބުގަ ވާހަކަ ތަކެއް ވިއްކާފަ އައީ އެއިން އެއްވެސް ކަމެއް މިއުޅެނީ ނުފުދިގެން ދެންކެރޭނެ ތޯ މިމީހުންނަށް ރައްޔިތުންނާއި ހަމައަށް ދާން އެއިން އެއްވެސް ކަމެއް ނުކޮށް، ދެން އެހެން ވީމަ ކޮންބައެއްތޯ ދާންތިބީ
ރައީސް ޔާމީން
ރައީސް ޔާމީން ވިދާޅުވީ ޕާޓީގެ ނަމުގައި ތެދުވަން ތިބީ މިސަރުކާރުގެ ފުރިހަމަ ސަފީރުން ކަމަށާއި ވީއިރު ފަސް އަހަރުގެ ކުރީގެ ރިކޯޑަށް ބަލާނަމަ އެ ބޭފުޅުންނަކީ މުޅިން އެހެން ޕާޓީތަކެއްގެ ބައެއް ކަމުގައެވެ. އެހެން ކަމުން އެ ސަފީރުންވެސް އެތިބީ ނާގާބިލް ވެފައި ކަމަށެވެ.
ލޯކަލް ކައުންސިލް އިންތިހާބާއި ގުޅިގެން، ރައްޔިތުން މަޖިލީސް މެންބަރަކަށް އެބައެއްގެ ދާއިރާއަށް ގޮސް ވާހަކަދައްކާނެ ޖާގައެއް ނެތް ކަމަށް އެމަނިކުފާނު ވިދާޅުވިއެވެ.
ރައްޔިތުން މަޖިލީސް މެންބަރުންނާއި ވަޒީރުންގެ މަޖިލީސް މެންބަރުންނަށް މިއަދު ރައްޔިތުންނާއި ކުރިމަތިލާ ވާހަކަދައްކަވަން ނުކެރެނީ އެމަގާމަށް އަންނަން އެބޭފުޅުން ރައްޔިތުންނަށް ކޮށްދޭން ބުނި އެތައް ކަމެއް ކޮށްނުދީ ސަލާމަތް ނުވެވޭހާ މިންވަރަށް ދޮގު ހަދާފައި ވާކަމަށް އެމަނިކުފާނު ވިދާޅުވިއެވެ.
