ރައީސް ޑރ މުހައްމަދު މުއިއްޒާ އަދުގެ ޔޫތު މިނިސްޓްރީގެ އެޑްވައިޒަރ އަހުމަދު ނަރީޝްއަކީ އެއް ޒާތެއްގެ ދެ ބޭފުޅުން ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.

އާދިއްތަ ދުވަހުގެރޭ ޕީއެންއެފުން ބޭއްވި ޖަލްސާގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ، މިއަދު ނަރީޝްއަށް މަގާމު ލިބި އެ މަގާމުގެ ދިފާއުގައި މަތި މައްޗަށް އެމަނިކުފާނު ޖަލަށްލާނެ ކަމަށް ބުނަމުންދާއިރު އެމްޑީޕީއެކޭ ޕީއެންސީއެކޭ މިއަދު ތަފާތެއް ނެތް ކަމަށެވެ.

ރައީސް ޔާމީން ވިދާާޅުވީ، ސިޓީ ކައުންސިލްގައި ތިބެގެން ރައީސް މުއިއްޒާ ނަރީޝް ގުޅިގެން އެތައް ވައްކަމެއްކޮށް ބިންތައް ވިއްކާފައިވާ ކަމަށާ އެ ސިއްރު ފޮރުވަން ގްރީނު ބިލްޑިންއަށް ހެދި ގޮތް ރައްޔިތުންނަށް ސާފުވެފައިވާ ކަމަށެވެ.

ރައީސް ޔާމީން ވިދާޅުވި ނަރީޝް ޓީވީ ޕްރޮގްރާމުއަކަށް އަރާ އެ ހާމަކޮށްދިނީ ރައީސް މުއިއްޒު ޖުޑިޝިއަރީއަށް ނުފޫޒު ފޯރުވާކަމުގެ ހަގީގަތް ކަމަށާ އަދި ނަރީޝް އަމިއްލައަށް އެ ބުނީ ނަރީޝްގެ ބޮސްއަށް ތާއީދު ނެތް ވާހަކަކަން ކަމަށްވެސް ރައީސް ޔާމީން ވިދާޅުވިއެވެ.

މީގެ އިތުރުން ވާދަވެރި އިންތިހާބެއްގައި އެމަނިިކުފާނާ ވާދަކޮށްލަން ރާއްޖޭގެ ސިޔާސީ ވެރިންނަށް ނުކެރި އެމަނިކުފާނު ޖަލަށް ލީ ނަމަވެސް އެމަނިކުފާނުގެ މައްޗަށް ﷲގެ ރަހުމަތުން އެކުށް ސާބިތުނުވާނެ ކަމަށް ވެސް ރައީސް ޔާމީން ވިދާޅުވިއެވެ.