މިނިވަން ދުވަހެއް އަޅުގަނޑުމެންނާއި ބައްދަލުކުރާއިރު މިނިވަން ދުވަހު ރައްޔިތުން ކުރާ އުފަލަށް ވުރެ ހިތާމަ ބޮޑުވެގެންދާ މަންޒަރު ފެނިގެންދާ ކަމަށް ޕީއެންއެފްގެ ސެކެރެޓަރީ ގެނެރަލް މުހައްމަދު މަލީހު ޖަމާލް ވިދާޅުވެއްޖެއެވެ.

މަލީހު މިފަދައިން ވިދާޅުވީ ބުރާސްފަތި ދުވަހުގެ ރޭ ޕީއެންއެފުން ބޭއްވި ޖަލްސާގައި ވާހަކަ ދައްކަވަމުންނެވެ.

މިނިވަން ދުވަސް އެހެން ގައުމުތަކުގައި ފާހަގަކުރަނީ ގައުމުގެ ރައްޔިތުންނާ އަޅުގަނޑުމެންގެ މިނިވަންކަމުގެ ދިފާއުގައި މަސައްކަތްކުރެއްވި އެކިއެކި އަބްތާލުންގެ ޒިކުރު އާކުރަން ކަމަށް މަލީހު ވިދާޅުވިއެވެ.

މަލީހު ވިދާޅުވީ އެހެންނަމަވެސް މިއަދު ފެނިގެންދަނީ ރައިސް މުއިއްޒުގެ ލަފަޔާއި އިރުޝާދުގެ ދަށުން ދިވެހިރާއްޖޭގެ ޝަރަފުވެރިކަމުގެ އިނާމު ދެއްވާ ކޮމިޓީއިން 3 ނޮވެމްބަރުގެ ދިވެހި އެތައް ބަޔަކު ޝަހީދުކޮށްލި ވަސަންތީއަށް ގައުމީ ހިތްވަރުދިނުމުގެ ބޮޑު އިނާމެއް ދިނުމުގެ މިސްރާބަށް ގައުމުގެ ކަންކަން ދާ މަންޒްރު ކަމަށެވެ.

މަލީހު މިފަދައިން ވިދާޅުވެފައި މިވަނީ މުސްލިމުން މަަރަން ހިތްވަރުދޭ ނަރެންދްރަ މޯދީ ރާއްޖެ ގެނެސް އޭނާ ލައްވާ ދިވެހިންނަށް ބުލީކުރަމުން ސަރުކާރުން ގެންދާ ދަނޑިވަޅެއްގައެވެ.