އާ ޓާމިނަލްގެ މަސައްކަތަށް ރައީސް އަބްދުﷲ ޔާމީނަށް ޝުކުރު ދަންނަވާ ގެއްލިފައިވާ ތާއީދު ހޯއްދަވަން ރައީސް ޑރ މުހައްމަދު މުއިއްޒު މަސައްކަތްކުރައްވައިފިއެވެ.
އެގޮތުން ވެލާނާ އިންޓަނޭޝަނަލް އެއާޕޯޓްގެ އާ ޓާމިނަލް މިރޭ ހުޅުވިގެން ދިޔައީ ނިމިދިޔަ ދެ ސަރުކާރުގެ ވެރީންގެ ވެސް ބޮޑު ބައިވެރިވުމެއް އޮވެގެންކަން ފާހަގަ ކުރައްވާ ރައީސް ޔާމީން އާއި ކުރީގެ ރައީސް އިބްރާހިމް މުހައްމަދު ސޯލިހަށް ރައީސް މުޢިއްޒު ވަނީ ޝުކުރު އަދާކޮށްފައެވެ.
އާ ޓާމިނަލް ހުޅުވަން ކައިރިވެފައިވަނިކޮށް އިދިކޮޅު އެމްޑީޕީ އާއި ސަރުކާރުން ދިޔައީ މި މަޝްރޫއުގެ “ކްރެޑިޓް” ނަގާނެ ފަރާތަކާއި މެދު ބަހުސްކޮށް ކޯޅެމުންނެވެ.
ރައީސް ޔާމީނަށް ބޮޑެތި ފާޑުކިޔުންތައް މި މަޝްރޫއު އާއި ޖީއެމްއާރް މައްސަލައިގައި އަމާޒުކޮށް އާންމުންގެ ނުރުހުން މުއިއްޒަށް ލިބުމުން އެކަން ފޫބެއްދުމަށް ޖެއްސި ސްޓަންޓްއެއް ގޮތުގައި ގިނަ ބަޔަކު ދެކެއެވެ.
މީގެ އިތުރުން މި ބިޔަ ބޮޑު މަޝްރޫއުއަކީ ރައީސް ޔާމީންގެ ތަސައްވަރެއް ކަން މިއަދު ރައީސް މުއިއްޒަށް ވަނީ ގަބޫލުކުރަން ޖެހިފައި ކަމަށްވެސް ބުނެ އާންމުން އަންނަނީ ރައީސް މުއިއްޒަށް ފާޑުކިޔަމުންނެވެ.
ރައީސް މުއިއްޒަކީ ރައީސް ޔާމީނަށް ދިވެހި ރައްޔިތުން ކުރައްވާ ލޯތްބެއްގެ ބޮޑުކަމުން އެމަނިކުފާނުގެ މިނިވަންކުރަން ހޮވި ވެރިއެއް ކަމަށާއި، މިއީ ރައީސް މުއިއްޒަށް ގެއްލެމުންދާ ތާއީދު ހޯއްދެވުމަށް ވިދާޅުވި އެއްޗެއްގެ ގޮތުގައި ގިނަބަޔަކު ސިފަކުރެއެވެ.
