މިނިވަންކަން "ގްރާންޓެޑް"އަށް ނަގައިގެން ނުވާނެ ކަމަށް ކުރީގެ ނައީބް ރައިސް ޑރ މުހައްމަދު ޖަމީލު އަހުމަދު ވިދާޅުވެއްޖެއެވެ.

ބުރާސްފަތި ދުވަހުގެ ރޭ ޕީއެންއެފުން ބޭއްވި ޖަލްސާގައި ވާހަކަފުޅު ދައްކަވަމުން ޑރ ޖަމީލު ވިދާޅުވީ ކާބަފައިންގެ މިންނެތް މަސައްކަތުން ގައުމަށް ލިބުނު މިނިވަންކަން ދެމެހެއްޓުމުގެ ޒިންމާ މިއަދު އޮތީ މިހާރުގެ ޖީލުތަކުގެ ކޮނޑުގައި އެޅިފައި ކަމަށެވެ. އެހެންކަމުން މިނިވަންކަމަކީ ހަމަ ހިތަކަށް ލިބުނު ކަމެއްގެ ގޮތުގައި ނުދެކުމަށް ޑރ ޖަމީލު ވަނީ އިލްތިމާސްކުރައްވާފައެވެ.

އެމަނިކުފާނު އިތުރަށް ވިދާޅުވީ، މާތް ﷲ ވަނީ މިނިވަންކަމުގެ، މަތިވެރި ނިޢުމަތް މި ނިކަމެތި ރައްޔިތުންނަށް ދެއްވާފައިކަމަށެވެ.

ޑރ ޖަމީލް އިތުރަށް ވިދާޅުވީ އަޅުގަނޑުމެންގެވެސް ޒީލަތެއް އޮތް ކަމަށާއި އަޅުގަނޑުމެންވެސް ލަދު ގަންނަ ކަމަށެވެ. އަދި އިނޑިއާ ފަދަ ޤައުމުތަކަށް ގޮސް އަޅުގަނޑުމެންގެ ވެސް ޤައުމެއް އޮތް ކަމަށާއި އަހަރެންމެންނަކީ މިނިވަން އިސްލާމް ދީނުގެ ބައެކޭ ފަޙުރުވެރިކަމާއިއެކު ބުނަން ބޭނުންވާ ކަމަށް ވެސް ޑރ ޖަމީލު ވިދާޅުވިއެވެ.

އެހެންނަމަވެސް ރައީސް މުއިއްޒު ރައްޔިތުން ކައިރިއަށް ވަޑައިގަތީ މި ވާހަކަތައް ވިއްކަން ކަމަށް ޑރ ޖަމީލް ވިދާޅުވިއެވެ.