Muizzu Akee Galhi Eh: Baarashu Dhaairaage Member Shujau

ޑރ މުހައްމަދު މުއިއްޒަކީ، "ގަޅި"އެއް ކަމަށް ޕީއެންސީގެ ސީނިއަރ ޑެޕިއުޓީ ލީޑަރު އަދި ބާރަށު ދާއިރާގެ މެމްބަރު އިބްރާހިމު ޝުޖާއު ވިދާޅުވެއްޖެއެވެ.

ޝުޖާއު މިފަދައިން ވިދާޅުވިކަން ހާމަވެފައިވަނީ މިހާރު ސޯޝަލް މީޑިޔާގައި ދައުރުވަމުންދާ އޯޑިއޯއަކުންނެވެ.

އެގޮތުން ކާކުކަން ނޭނގޭ ގޮތަށް އެކްސްގައި ހިންގަމުންދާ ވިސްލު ބްލޯވަރ އެކައުންޓުން ހިއްސާކޮށްފައިވާ ޕޯސްޓުގައި އަޑު އިވިގެން ދަނީ ޝުޖާއު ކޮންމެވެސް ކަމަކާ ހިތްހަމަ ނުޖެހި މާލޭގެ މޭޔަރ މުއިއްޒަކީ ކަންކަން ނުދަންނަ ގަމާރެއްގެ ގޮތުގައި ސިފަކުރުމަށް ބޭނުން ކުރާ ބަހުރުވަޔަކުން ސިފަކޮށް މީހަކާ ވާހަކަ ދައްކާ އަޑެވެ.

އެ އޯޑިއޯގައި ޝުޖާއު ބުނާ އަޑު އިވިގެން ދަނީ "މޭޔަރު ވެސް ގަޅީނުން. އޭނައަށް އެނގޭނު ހުރިހާ އެއްޗެއް. އަހަރުމެން ކީމަ މޭޔަރުއަށްވެސް ގަބޫލުނުކުރެވުނީނުން ފުރަތަމަ" މިހެންނެވެ.

ނަމަވެސް އެއީ ކޮންކަމަކާ ހިތްހަމަ ނުޖެހި ކާކު ކައިރީ ޝުޖާއު ދެއްކި ވާހަކައެއް ކަމެއް އެނގެން ނެތެވެ.

Here’s the short audio clip of @IbrahimShujaau where he calls @MMuizzu “Galhi” cause Muizzu was not listening to him despite all the stealing and things he was doing for Muizzu.

Now Shuja must know I have a lot on him.

I have a library full of his audios. https://t.co/2JdpGG6zHg pic.twitter.com/nyeYKU3f9N
— Hassan Kurusee (@HKurusee) August 2, 2025

ޝުޖާއު ރައީސް މުއިއްޒަކީ ގަޅިއެއް ކަމަށް ބުނެފައި ވަނީ އޯޑިއޯއިން ދޭހަވާ ގޮތުގައި މާލެ ސިޓީ ކައުންސިލްގައި އެ ދެބޭފުޅުންވެސް ތިއްބެވި ދުވަސްވަރުގައެވެ.

ޝުޖާއު ރައީސް މުއިއްޒަކީ ގަޅިއެއްގެ ގޮތުގައި ސިފަކޮށްފައި ވަނީ ޝުޖާއުގެ މައްޗަށް ކުރެވޭ ކޮރަޕްޝަނާ މަނީ ލޯންޑަރިންގެ ކުށުގެ ތުހުމަތުތަކެއްގެ އަޑު ގަދަވެފައިވެސްވާ ދަނޑިވަޅެއްގައެވެ.