ގިނަ އަދަދެއްގެ ކައުންސިލްތަކުގެ އެދުމާއި ދެކޮޅަށް ކައުންސިލްތަކުގެ މާލީ ބާރު ހަނިކުރާ ބިލު މަޖިލީހުން ފާސްކޮށްފިއެވެ.
ކައުންސިލްތަކުގެ ވަރަށް ބޮޑެތި ކަންބޮޑުވުންތައް ހުރި މި ބިލު ސަރުކާރުގެ ފަރާތުން މިދިޔަ ހޯމަ ދުވަހު މަޖިލީހަށް ހުށަހެޅުއްވީ ފުވައްމުލަކު ދެކުނު ދާއިރާގެ ޕީއެންސީ މެންބަރު އިބްެރާހިމް ހުސައިން އެވެ.
މަޖިލީހުގެ މިއަދުގެ ޖަލްސާގައި 51 ވޯޓުން ބިލު ފާސްކޮށްފައިވާއިރު މި ބިލާއި ދެކޮޅަށް ވޯޓު ދެއްވީ އެމްޑީޕީއަށް ނިސްބަތްވާ އަށް މެންބަރުންނެވެ.
މި އިސްލާހުގެ ދަށުން ކައުންސިލްތަކުގެ އުމުރުގެ ފަހު އަހަރު ނުވަތަ ދައުރު ހަމަވާން އަހަރަކަށް ވުރެ ކުުރު މުއްދަތެއް އޮވެއްޖެ ނަމަ، މާލީ ކަންކަމާ ގުޅޭ މައިގަނޑު ތިން ކަމެއްގައި ސަރުކާރުގެ ބަހެއް ނެތި ނުކުރެވޭ ގޮތްތަށް ގާނޫނު ބަދަލުވެފައިވެއެވެ.އެ ކަންކަމުގެ ތެރޭގައި ހިމެނެނީ:
މި އިސްލާހާއި ދެކޮޅަށް 30 އަކަށްވުރެ ގިނަ ކައުންސިލްތަކުން ކަންބޮޑުވުން ފާޅުކޮށް ނޫސް ބަޔާންތައްވެސް ނެރެފައިވާކަން ފާހަގަކުރެވިފައިވެއެވެ.
