ރާއްޖޭގެ ކަނޑު ސަރަހައްދުގެ ރައްކާތެރިކަން ޕެޓްރޯލުކޮށް ބެލެހެއްޓުމަށް ތުރުކީއިން ހަދިޔާކުރާ ސާވަލައިންސް ޑްރޯންއަކި ނޭޓޯގެ ހުއްދައާ ނުލާ ލިބިދާނެ އެއްޗެއް ކަމާ މެދު ރައީސް އަބްދުﷲ ޔާމީން ސުވާލު އުފައްދަވައިފިއެވެ.

ދަ ފްރޮންޓު އޮފީހުގައި އާދިއްތަ ދުވަހުގެ ރޭ ބެއްވި ޖަލްސާގައި ވާހަކަފުޅު ދައްކަވަމުން ރައީސް ޔާމީން ވަނި ތުރުކީއަކީ ނޭޓޯގެ ގައުމަކަށްވެފައި ނޭޓޯގެ ހުއްދައާ ނުލާ އެފަދަ ވަސީލަތެއް ރާއްޖެއަށް ތުރުކީއިން ފޯރުކޮށްނުދޭނޭ ކަމަށް ނުވަތަ ނުދެވޭނެ ކަމަށް ދޭހަވާ ފަދަ މޭރުމަކުން ވާހަކަފުޅު ދައްކަވާފައެވެ.

އެގޮތުން ރައީސް ޔާމީން ވަނީ ނޭޓޯގެ ހުއްދައާ އެކު އެފަދަ އާލާތެއް ރާއްޖެއަށް ހަދިޔާކުރާ ނަމަ އޭގެ ފަހަތުގައި ނުރައްކަލެއްގެ ރަނގަބީލު އޮންނާނެ ފަދަ މޭރުމަކުންވެސް ފާހަގަކުރައްވާފައެވެ.

ރައީސް ޔާމީން މިފަދައިން ވިދާޅުވިއިރު، ނޭޓޯއާ އެމެރިކާއަކީ ވެސް ގާތް ގުޅޫން އޮންނަ ބަޔަކަށްވާއިރު އެމެރިކާއިންވެސް ރާއްޖެއަށް ޕެޓްރޯލް ކުރަން އަސްކަރީ އުޅަނދުތަކެއް ހޯދައިދިނުމުގެ ޝައުގުފާޅުކޮށްފައިވުމުން މިކަމުގެ ފަހަތުގައި އޮތީ އިންޑިއާ ކަމާ މެދު ސުވާލު އުފައްދާނެ ޖާގަ ތަނަވަސްވެގެންދާ ކަމަށް ދުނިޔޭގެ މަސްރަހު ދިރާސާ ކުރާ ފަރާތްތަކުން ހާމަކުރާކަން ފާހަގަކޮށްލެވެއެވެ.