ޕާކިސްތާނުގެ 78 ވަނަ މިނިވަން ދުވަސް ފާހަގަކުރަމުން ބޭއްވި މުނާސަބަތުގައި ޕާކިސްތާނުގެ ސަރުކާރުން ދިވެހިރާއްޖެއަށް ކަނޑައެޅުއްވި އައު ސަފީރު، ހިޒް އެކްސަލަންސީ ވައިސް އެޑްމިރަލް (ރިޓަޔަރޑް) ފައިސަލް ރަސުލް ލޯދި, ޕާކިސްތާނުގެ ފަރާތުން މުހިންމު ބަސްފުޅުތަކެއް ދެއްވައިފިއެވެ.
އެމަނިކުފާނު ދެއްވި ސްޕީޗްގައި، މި ދުވަސް ފާހަގަކުރުމަށްޓަކައި އެހީތެރިވެދެއްވި ރާއްޖޭގެ އެންމެ ފާހަގަކޮށްލެވޭ ވިޔަފާރިވެރިންގެ ތެރެއިން އެކަކު ކަމުގައިވާ މިސްޓަރ ސަޢީދު އަދި މި ޙަރަކާތުގައި ބައިވެރިއެއްގެ ގޮތުގައި ހިމެނޭ ޕާކިސްތާން-ރާއްޖެ ފްރެންޑްޝިޕް އެސޯސިއޭޝަންގެ ނައިބު ރައީސް މިސްޓަރ ޙަމްދޫނަށް ޚާއްސަ ޝުކުރެއް ދަންނަވާފައިވެއެވެ.
ޕާކިސްތާނުގެ އައު ސަފީރު، ވިދާޅުވީ، މިއަދު ދުނިޔެއިން ޕާކިސްތާނަށް ބަލަނީ ސުލްޙައަށް އެދޭ، ނަމަވެސް ސުވާލުތަކަށް ބޯނުލަނބާ ޤައުމެއްގެ ގޮތުގައި ކަމަށެވެ. މީގެ އިތުރުން، އެމަނިކުފާނުގެ ވާހަކަފުޅުގައި ފަލަސްތީނުގެ ޣައްޒާގައި ތިބި މުސްލިމް އަޚުންނާއި އުޚްތުންނަށް ފުން ހަމްދަރުދީއާއި އެކުވެރިކަން ފާޅުކުރެއްވިއެވެ.
ޣައްޒާގައި އަމިއްލަ ނިންމުންތައް ނިންމުމުގެ ޙައްޤު ޙާޞިލުވަންދެން، ޕާކިސްތާނުން ދެމިހުންނާނީ ބަދަލުނުވާ ގޮތެއްގައި ޑިޕްލޮމެޓިކް، އަޚްލާޤީ އަދި ސިޔާސީ އެހީތެރިކަން ފޯރުކޮށްދެމުން ކަމަށް ފަޕާކިސްތާނުގެ އައު ސަފީރު، ޔަގީންކަން ދެއްވިއެވެ.
މި ވާހަކަފުޅުން ދައްކުވައިދެނީ، ޕާކިސްތާނަކީ އަމިއްލަ މިނިވަންކަން ދެކޭ ގޮތަށް، ދުނިޔޭގެ އެކި ކަންކޮޅުތަކުގައި އަޅުވެތިވެފައިވާ މުސްލިމުންގެ ހައްގުތަކަށް އަބަދުވެސް އަޑު އުފުލާނެ ޤައުމެއްކަމެވެ.
