މިނިވަން މީޑިއާ ކޮންޓްރޯލް ކުރަން ރައީސް ޑރ މުހައްމަދު މުއިއްޒު ބޭނުންފުޅު ވަނީ ޚުދުމުހުތާރު ވެރިކަމެއް ޤާއިމްކުރަން ކަމަށް ޕީއެންއެފްގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.
މަލީހު މިފަދައިން ވިދާޅުވީ އެކްސްގައި ކުރެއްވި ޕޯސްޓެއްގައެވެ.
މީޑިޔާތަކުގެ ބާރުތައް ސަރުކާރުގެ މުށުތެރެއަށް ނަގާ ވަކި ވަކި ނޫސްވެރިންނަށް ދައުވާ ކުރެވޭ ގޮތަށް ފަރުމާކޮށް ސަރުކާރު އަޑީގައި އޮވެ، ތުޅާދޫ ދާއިރާގެ މެމްބަރު އަބްދުލް ހަންނާނު އަބޫބަކުރު މެދުވެރިކޮށް ހުށަހެޅި ބިލާ މެދު ގިނަ ނޫސްވެރިންގެ ކަންބޮޑުވުން އޮތުމުން އެކަމަށް އިޝާރާތް ކުރައްވާ މަލީހު ވިދާޅުވީ، ދައުލަތުގެ ތެރޭ ހިންގާ ވައްކަމާ ޖަރީމާތައް ފޮރުވަން މީޑިޔާތަކުގެ ބާރު ކަނޑުވާލަން ސަރުކާރުން މަސައްކަތް ފެއްޓެވީ ކަމަށެވެ.
އެގޮތުން ދެފުށް ނުފެންނަ ވެރިކަމެއް ކުރައްވާ ޑިމޮކްރަސީއާއި ދިވެހިންގެ ވިންދާ ދިމާ އިދިކޮޅު ކަންކަން ކުރަން ސަރުކާރުން ބާރު ތެރެއަށް މުށުތެރެއަށްލާން ފޫގަޅަމުން ދާއިރު ހަގީގަތަށް ވާހަކަ ދައްކާ މީހާ މަރާނުލަން ގޮވާލައްވާ މަލީހު ވަނީ މަޖާޒީ ގޮތަކަށް ރައީސް މުއިއްޒުގެ ސަރުކާރުން މީޑިޔާތަކާ ނޫސްވެރިންނަށް ފޯރުވަން މަސއްކަތްކުރާ ނުފޫޒާ ދެކޮޅަށް އަޑު އުފުލާފައެވެ.
