ބޯކޮށް ވާރޭވެހޭނެ ކަމަށް ލަފާކޮށް އައްޑޫ ސިޓީ އަށް މޫސުމާއި ބެހޭ ގައުމީ އިދާރާ އިން ރީނދޫ ސަމާލު ނެރެފިއެވެ.

އެ އިދާރާއިން ނެރެފައިވާ މި ސަމާލުގެ ވަގުތަކީ 07:45 އިން ފެށިގެން 10:45 އެވެ.

އެ ވަގުތުތަކުގައި އެ ސަރަހައްދަށް ބޯކޮށް ވާރޭވެހުމާއި އެކު ގުގުރާނެ ކަމަށް މޫސުމާއި ބެހޭ އިދާރާއިން ލަފާކުރެއެވެ.

މީގެ އިތުރުން ތ. އަތޮޅުން ފެށިގެން އައްޑު އަތޮޅާއި ހަމައަށް ހުދު ސަމާލުވެސް މިއަދު 12:00 އާއި ހަމައަށް ނެރެފައިވެއެވެ.

މޫސުމާ ބެހޭ އިދާރާއިން ވަނީ މޫސުމަށް ސަމާލުވުމަށް އިރުޝާދު ދެއްވާފައެވެ. ޚާއްޞަކޮށް ކަނޑުދަތުރުފަތުރު ކުރާ ފަރާތްތަކަށް އިތުރަށް ސަމާލުވުމަށާއި، ރައްކާތެރިކަމުގެ ފިޔަވަޅުތައް އެޅުމަށް އެ އިދާރާއިން ވަނީ އިލްތިމާސް ކޮށްފައެވެ.